AvtoStop, AvtostopAZ, AVTOSTOP.AZ, AvtoStop sual-cavab, Sual-Cavab, Suallar, Cavablar, Prava almaq, DYP, YPX, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, Gomruk kalkulyatoru, Avtomobilin gomruk rusumu, masinin gomruk rusumu, gomruk rusumunu yoxlamaq, gomruk rusumu yoxla, avto gomruk kalkulyatoru, rastamoska rusumu, raztamoska rusumu, gomruk rastamowka rusum, Gömrük rüsumu kalkulyatoru, Avtomobilin gömrük rüsumu yoxlanışı, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, DYP muraciet, Dovlet Yol Polisine muraciet, DYP sikayet, DYP-ne wikyet, qai wikayet, qai sikayet, yol polisine sikayet, cerime sikayeti, mmx sikayeti, cerimeden sikayet dyp, ypx sikayet, YPX muraciet, YPX müraciət, YPX Şikayət, DYP Müraciət, Icbari sigorta, avtosigorta, avtomobil icbari sigortasi, masin sigortasi, sigorta almaq, icbari avto sigorta, icbari sigorta, Icbari sığorta, Avto İcbari Sığorta, Maşın, Nəqliyyat vasitəsi, Imtahana hazirliq, Suruculuk imtahanina hazirliq, DYP imtahanina hazirliq, Onlayn derslik, Sürücülük imtahanına hazırlıq, DYP imtahanına hazırlıq, Onlayn dərslik, Suruculuk vesiqesi, Sürücülük vəsiqəsi, DYP imtahanında verilen suallarç İmtahanda verilən suallar - cavablar

İ.X.M 122.1. Bu Məcəllənin 327.1 - 327.5, 328, 329.1, 329.2, 330, 339.1-1, 346.3, 346-1.1, 346-1.5, 353.2 və 469.3-cü maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının mərkəzi informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir.

Göründüyü kimi sizə elektron qaydada protokol tərtib edilməli idi. Sizi bu inzibati maddə ilə TŞ kamerasından izləyərək sonra saxlayıb protokol tərtib edilə bilməz.

İ.X.M. 122.5. Foto və ya video qeydiyyat funksiyalarına malik xüsusi texniki vasitələrin köməyi ilə aşkar edilmiş inzibati xətalara görə nəqliyyat vasitəsini dayandıraraq, törədilmiş belə xətalar haqqında inzibati xəta haqqında protokol tərtib etmək və ya inzibati tənbeh tətbiq etmə haqqında qərar çıxarmaq qadağandır. Bütün foto və ya video qeydiyyat funksiyalarına malik xüsusi texniki vasitələr müvafiq icra hakimiyyəti orqanının mərkəzi informasiya sisteminə inteqrasiya olunaraq, həmin texniki vasitələrin köməyi ilə aşkar edilmiş inzibati xətalar haqqında yalnız bu Məcəllənin 122.1-ci maddəsində nəzərdə tutulmuş qaydada elektron qərar çıxarılır.

Bu protokolun sonradan tərtib edilməsi yalnız digər vətəndaşın şikayət ərizəsi əsasında, TŞ kameralarına baxış keçirərək baş tuta bilər.

İstənilən halda görüntüləri tələb edə, məhkəməyə dəlillər olmadığı üçün protokolun qərarından şikayət edə və cərimənin ləğv olunmasını xahiş edə bilərsiniz.

Bu restaylinq sayılır. Çünki, səsboğucudan çıxış borusu bir deyil, ikili çıxış ilə əvəzlənib və konstruksiya dəyişikliyi sayılır, əgər zavod istehsalı olan səsboğucuda da ikili çıxış borusu idisə, bu zaman bu konstruksiya dəyişikliyi sayılmır. Digər detalların dəyişdirilməsinin isə problemi yoxdur.
Deyildiyi kimi əgər konstruksiya dəyişikliyi varsa, ixtisaslaşdırılmış avtomobil servisindən konstruksiyanın hər hansı ünsürünün dəyişdirilməsi barədə arayış alınmalı və DYP İdarəsinə təqdim olunmalıdır. Bunun əsasında qeydiyyat şəhadətnaməsi dəyişiklik edilməli və qeyd olaraq, tüninq və restaylinq olunması qeydiyyatı aparılmalıdır.
Qeydiyyat şəhadətnaməsinin dövlət rüsumu 30 manat təşkil edir və yeni qeydiyyat şəhadətnaməsi verilməlidir.

İ.X.M. 342.2. Nəqliyyat vasitələrinin sürücüləri tərəfindən nəqliyyat vasitələrinin texniki vəziyyətinə dair tələblərin pozulmasına, yəni..
342.2.2. Normativ tələblər pozulmaqla, avadanlığın quraşdırılması və ya dəyişdirilməsi - 150 (yüz əlli) manat cərimə təşkil edir.

İ.X.M. 98. Nəqliyyat vasitələrinin istismarının qadağan edilməsi -
Tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri, şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı müvafiq icra hakimiyyəti orqanı tərəfindən qadağan edilir.

Tələb olunan sənədlər:
Şəxsiyyət vəsiqələriniz, avtomobilin qeydiyyat şəhadətnaməsi, alqı-satqı və ya bağışlanma müqaviləsi, atanıza verilən etibarnamə, ödəniləcək ödənişlərin qəbzləri;

Rüsumlar:
1. Alqı-satqı və ya bağışlanma müqaviləsinə görə notariat xərci - 35+5.25 (40.25) manat - (yaxın qohumlar arasında);
2. Mühərrik həcminə görə dövlət rüsumu - 20 manat (mühərrik həcmindən asılı olmayaraq - yaxın qohumlar arasında);
3. Qeydiyyat şəhadətnaməsi rüsumu - 30 manat;
4. Dövlət qeydiyyat nişanı (nömrə) yerində qaldığına görə - 0 manat;
5. Texniki müayinə (talonun müddəti bitibsə) - 30 manat;

QEYD: Texniki müayinənin müddəti bitməyibsə, avtomobilin ban və mühərrik nömrəsinə baxış keçirilməsinə görə rüsum ödənilmir və tələb oluna bilməz.
Habelə, avtomobilin utilizasiya haqqı kimi 30 manat tələb olunarsa, bu da əsassızdır, dövlət rüsumu haqqında qanuna əlavə edilmədiyi üçün tələb oluna bilməz.

Yuxarıda göstərilən müddəalar Azərbaycan Respublikasının Dövlət rüsumu haqqında Qanunla tənzimlənir.

Nəqliyyat vasitəsini yalnız təlim avtomobillərində, ixtisaslaşdırılmış sürücülük kurslarının təlimçiləri ilə birlikdə idarə etmək olar.

İ.X.M. 332.2. Nəqliyyat vasitəsini idarə etmək hüququ olmadan nəqliyyat vasitəsinin idarə edilməsi - 100 (yüz) manat cərimə tətbiq olunur.

Bu maddənin tətbiqi üçün isə sürücülük hüququ olmayan şəxs avtomobili yolun hərəkət hissəsində olmalıdır. Parkinqlərdə, öz həyətinizdə, özəl ərazilərdə olan zaman cərimə tətbiq oluna bilməz.

Habelə, yanınızda olan sürücülük hüququ olmayan şəxs yol hərəkəti hissəsində avtomobili idarə etdiyi halda, avtomobilin sahibi yaxud idarə etmək və sərəncam vermək hüququ olan şəxs də cərimə olunur.

İ.X.M. 335.1. Nəqliyyat vasitəsinə sahiblik hüququ olan şəxs tərəfindən nəqliyyat vasitəsini idarə etmək üçün idarə etmə hüququ olmayan şəxsə verilməsi - fiziki şəxslərə - 60 (altmış) manat, vəzifəli şəxslərə - 200 (iki yüz) manat, hüquqi şəxslərə - 2000 (iki min) manat cərimə tətbiq olunur.

Avtomobilin sahibi və ya sərəncam vermək hüququ olan şəxs, nəqliyyat vasitəsini idarəetmə hüququ olmayan şəxsin yanında olarsa, avtomobil müvəqqəti saxlama duracağına yerləşdirilə bilməz.

Habelə, Post Patrul Xidmətinin əməkdaşları bu barədə sizə heç bir irad tutmağa səlahiyyətləri çatmır. Bu tip iradları yalnız Yol Patrulu Xidmətinin müfəttişləri tuta bilər.

Nəqliyyat vasitəsinin eyniləşdirilməsi üçün texniki baxış aparıla bilər. Bunun üçün rüsum tələb edilməməlidir. Texniki müayinə ilə texniki baxış fərqli anlayışlardır.
Nəqliyyat vasitəsinin texniki müayinə talonu var və müddəti müəyyən olunmuş vaxtadəkdir.
Texniki baxış isə - nəqliyyat vasitəsinin mühərrik, şassi, ban nömrələri, rəngi və sair ünsürlərinin tutaşdırılaraq eyniləşdirmə prosesinin aparılmasıdır.

Tələb olunan sənədlər:
Şəxsiyyət vəsiqələriniz, avtomobilin qeydiyyat şəhadətnaməsi, alqı-satqı və ya bağışlanma müqaviləsi, həyat yoldaşınıza verilən etibarnamə, ödəniləcək ödənişlərin qəbzləri;

Rüsumlar:
1. Alqı-satqı və ya bağışlanma müqaviləsinə görə notariat xərci - 35+5.25 (40.25) manat - (yaxın qohumlar arasında);
2. Mühərrik həcminə görə dövlət rüsumu - 20 manat (mühərrik həcmindən asılı olmayaraq - yaxın qohumlar arasında);
3. Qeydiyyat şəhadətnaməsi rüsumu - 30 manat;
4. Yeni dövlət qeydiyyat nişanına (nömrəyə) ehtiyac olarsa - 30 manat;
5. Texniki müayinə (talonun müddəti bitibsə) - 30 manat;

QEYD: Texniki müayinənin müddəti bitməyibsə, avtomobilin ban və mühərrik nömrəsinə baxış keçirilməsinə görə rüsum ödənilmir və tələb oluna bilməz.
Habelə, avtomobilin utilizasiya haqqı kimi 20-40 manat tələb olunarsa, bu da əsassızdır, dövlət rüsumu haqqında qanuna əlavə edilmədiyi üçün tələb oluna bilməz.

Yuxarıda göstərilən müddəalar Azərbaycan Respublikasının Dövlət rüsumu haqqında Qanunla tənzimlənir.

Bəli, eyni maddə ilə təkrar cərimə edilə bilməzsiniz.
Cərimənin birinin ləğv edilməsi üçün BDYPİ-nə onlayn müraciət etməlisiniz. Bunun üçün bu saytın (menyusunda) 'DYP-MÜRACİƏT' bölməsindən yaxud DYP-nin rəsmi saytından (form vasitəsi ilə) müraciəti göndərə bilərsiniz.
Müraciətdə protokolların seriya və nömrələrini qeyd etməyi unutmayın.

Qarşı tərəf zərərçəkən sayılmır. Çünki, inzibati xətanı törədən motosikl sürücüsüdür. Qardaşınız isə bu halda heç bir məsuliyyət daşımır. İstənilən halda sizə tərtib olunan protokoldan məhkəməyə müraciət edin. Baş tutacaq məhkəmə prosesində isə videogörüntüləri tələb edin, qardaşınız özünü müdafiə etsin və avtomobilinin təmir olunmasını tələb etsin.

Əgər işıqforun qırmızı işığında qardaşınız keçmiş olsaydı bu zaman qardaşınız məsuliyyət daşıyacaqdı və aşağıda qeyd olunan maddələrə əsasən inzibati məsuliyyət daşıyacaqdı.
Qarşı tərəf yüngül deyil, ağır xəsarət almış olsaydı, o zaman inzibati xəta deyil, artıq cinayət məsuliyyətinə cəlb olunacaqdı. Hazırkı halda isə bu maddələr qardaşımıza şamil edilmir.
Motosikl sürücüsü isə İnzibati Xətalar Məcəlləsinin 327.2-ci maddəsi ilə cərimə olunmalıdır.
Qarşı tərəfin motosiklı Yol Hərəkəti haqqında Qanunun 1-ci maddəsinin 27-ci bəndində normativ anlayışa əsasən, moped və ya motosiklın mühərrikinin iş həcmi 50 kub/santimetrdən çox olmayan mühərriklə hərəkətə gətirilən və maksimum konstruksiya sürəti 50 km/saat-dan yüksək olmayan iki və ya üç təkərli nəqliyyat vasitəsi deyilsə, bu zaman sürücü nəqliyyat vasitəsini qeydiyyatsız idarə etməsinə görə sürücülük vəsiqəsi yoxdursa, sürücülük hüququ olmadan nəqliyyat vasitəsini idarə etməyə görə də məsuliyyət daşıyacaq.

İ.X.M. 332.2. Nəqliyyat vasitəsini idarə etmək hüququ olmadan nəqliyyat vasitəsinin idarə edilməsi - 100 (yüz) manat cərimə tətbiq olunur.

İ.X.M. 339.1 Nəqliyyat vasitələrinin sahibləri və ya sürücüləri tərəfindən "Yol hərəkəti haqqında" Azərbaycan Respublikasının Qanunu ilə müəyyən edilmiş qaydada və müddətdə nəqliyyat vasitəsini dövlət qeydiyyatından keçirmədən idarə etmə.. - 50 (əlli) manat cərimə tətbiq olunur.

İ.X.M. 327.2. Svetoforun və ya nizamlayıcının qadağanedici işarəsi verilərkən hərəkətin davam etdirilməsi - 80 (səksən) manat və 3 bal cərimə tətbiq olunur.

İ.X.M. 327.8. Bu Məcəllənin 327.1-327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə - 200 (iki yüz) manat məbləğində cərimə edilir və ya nəqliyyat vasitəsini idarə etmək hüququ 1 (bir) ilədək müddətə məhdudlaşdırılır. (5 balla qiymətləndirilə bilər –327-ci maddənin qeyd hissəsinə bax).
Qeyd:
1. Bu Məcəllənin 328.2-ci maddəsində nəzərdə tutulmuş xətalar 2 balla, 327.2, 328.3 və 331-ci maddələrində nəzərdə tutulmuş xətalar 3 balla, 327.3-327.6, 328.4, 342.7 və 346.3-cü maddələrində nəzərdə tutulmuş xətalar 4 balla qiymətləndirilir.
2. Sürücülük vəsiqəsi idarə etdiyi nəqliyyat vasitəsinin kateqoriyasına uyğun olmayan sürücü bu Məcəllədə nəzərdə tutulmuş balla qiymətləndirilən xətaları törətdikdə, o, nəqliyyat vasitəsini idarə etmə hüququ olmadan nəqliyyat vasitəsinin idarə edilməsinə görə inzibati məsuliyyətə cəlb edilir və ona törətdiyi xətaya müvafiq bal təyin edilir.
3. Bu Məcəllənin 34.3-cü maddəsində nəzərdə tutulmuş hallarda şəxsin törətdiyi inzibati xətalar balla qiymətləndirilən xətalara aiddirsə, həmin xətalara dair işlərə baxılarkən yalnız daha ciddi xətaya görə müəyyən edilmiş bal təyin edilir.
4. Şəxsin müxtəlif vaxtlarda törətdiyi balla qiymətləndirilən bir neçə inzibati xətaya dair işlərə baxılarkən daha ciddi xətaya görə müəyyən edilmiş bal və hər bir digər xətaya görə bir bal toplanaraq təyin edilir.
5. Bu Məcəllənin 327.8, 333.1 və ya 343.1-ci maddələrində nəzərdə tutulmuş xətaların törədilməsinə görə şəxsin nəqliyyat vasitəsini idarə etmək hüququ məhdudlaşdırılmadan inzibati cərimə tətbiq edildikdə, həmin xətalar 5 balla qiymətləndirilir.
6. İnzibati xətanın törədilməsinə görə təyin edilmiş bal inzibati tənbeh tətbiq etmə haqqında qərar qüvvəyə mindiyi vaxtdan 1 (bir) il müddətində qüvvədə olur.
7. Zərər çəkmiş şəxsə kömək göstərilməsi ilə əlaqədar yol nəqliyyat hadisəsi yerini tərk etmiş şəxsə bu Məcəllənin 327.6-cı maddəsinin qüvvəsi şamil edilmir.
8. Bu Məcəllənin 327.8-ci maddəsində nəzərdə tutulan əməl hərəkət sürətinin həddi 110 km/saat və daha artıq müəyyən edilmiş yolda piyadanın yolun hərəkət hissəsini "Yol hərəkəti haqqında" Azərbaycan Respublikasının Qanununu ilə piyadaların yolu keçməsi üçün müəyyən edilmiş yerlərdən kənar keçməsi nəticəsində törədilibsə, həmin hallara bu Məcəllənin 327.8-ci maddəsinin qüvvəsi şamil edilmir.

Cərimə düzgün tətbiq olunub.
Siz 4.1.4 yol nişanının tələbini pozmusunuz.
Habelə, yol nişanlanma xətlərinə də diqqət yetirmək lazımdır.

Arxaya quraşdırılan stop işığı əyləc (tormoz) pedalı ilə sinxron işə düşərək yanırsa, bu problemli hal deyil və gecə saatlarında arxadan gələn sürücülərə xəbərdarlıqdır və təhlükəsizliyi təmin edir.
Əgər qırmızı deyil, ağ rəngdə işıq olmuş olsaydı, bu yolverilməz sayılardı.
Habelə, arxada quraşdırılan qırmızı işıq davamlı olaraq yanıb-sönürsə və ya daimi yanılı qalırsa, bu da yolverilməzdir. Çünki, bu vəziyyətdə arxadan gələn yol hərəkəti iştirakçıları çaşaraq, tormozlama etdiyinizi düşünəcəklər.

Ön optik cihazda isə avtomobil istehsalçısı tərəfindən nəzərdə tutulmayan led və ya digər tipli işıqların quraşdırılması isə konstruksiya dəyişikliyi sayılır və inzibati məsuliyyət yaradır.

Avtomobilizin müvəqqəti saxlama duracağına yerləşdirilməsi və ya hər hansı prosedurun yerinə yetirilməsi üçün protokol tərtib olunmalıdır. Əgər protokol tərtib olunmayıbsa və hər hansı "otağa" yaxınlaşmanız (rüşvət) tələb olunursa, Baş Prokurorluğa şikayət edin.

İ.X.M. 342.2. Nəqliyyat vasitələrinin sürücüləri tərəfindən nəqliyyat vasitələrinin texniki vəziyyətinə dair tələblərin pozulmasına, yəni -
342.2.2. Normativ tələblər pozulmaqla, avadanlığın quraşdırılması və ya dəyişdirilməsi 150 (yüz əlli) manat cərimə tətbiq olunur.

İ.X.M. 98. Nəqliyyat vasitələrinin istismarının qadağan edilməsi -
Tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri, şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı müvafiq icra hakimiyyəti orqanı tərəfindən qadağan edilir.