AvtoStop

AvtoStop, AvtostopAZ, AVTOSTOP.AZ, AvtoStop sual-cavab, Sual-Cavab, Suallar, Cavablar, Prava almaq, DYP, YPX, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, Gomruk kalkulyatoru, Avtomobilin gomruk rusumu, masinin gomruk rusumu, gomruk rusumunu yoxlamaq, gomruk rusumu yoxla, avto gomruk kalkulyatoru, rastamoska rusumu, raztamoska rusumu, gomruk rastamowka rusum, Gömrük rüsumu kalkulyatoru, Avtomobilin gömrük rüsumu yoxlanışı, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, DYP muraciet, Dovlet Yol Polisine muraciet, DYP sikayet, DYP-ne wikyet, qai wikayet, qai sikayet, yol polisine sikayet, cerime sikayeti, mmx sikayeti, cerimeden sikayet dyp, ypx sikayet, YPX muraciet, YPX müraciət, YPX Şikayət, DYP Müraciət, Icbari sigorta, avtosigorta, avtomobil icbari sigortasi, masin sigortasi, sigorta almaq, icbari avto sigorta, icbari sigorta, Icbari sığorta, Avto İcbari Sığorta, Maşın, Nəqliyyat vasitəsi, Imtahana hazirliq, Suruculuk imtahanina hazirliq, DYP imtahanina hazirliq, Onlayn derslik, Sürücülük imtahanına hazırlıq, DYP imtahanına hazırlıq, Onlayn dərslik, Suruculuk vesiqesi, Sürücülük vəsiqəsi, DYP imtahanında verilen suallarç İmtahanda verilən suallar - cavablar

SUALLARA CAVAB ÖDƏNİŞLİDİR !
5 AZN / ONLAYN və TERMİNALLA
RSS
.
captcha

Anar

Salam. H. Əliyev prospekti üzü Koroğlu metrosuna tərəf Bağırov körpüsündən çıxan kimi socarın binası tərəfə gedən yola dönmək olar ?
Bəs binanın girişində olan 3.2 nişanı nə üçün quraşdırılıb?

SUAL-CAVAB
18:44 - 20.06.2024
Admin
AvtoStop admin

Heydər Əliyev prospektinin sonucu sağ zolağı ilə üzü tunelə tərəf hərəkət etdikdə, tuneli çıxdıqdan sonra sağa, daha sonra isə geriyə SOCAR-ın baş ofisi binası tərəfə hərəkət etmək olar.

SOCAR-ın baş ofisinin binasına çatmamış isə sola dönmək lazımdır, düzünə hərəkət isə qadağandır. Çünki, düzünə istiqamət SOCAR-ın ərazisidir və yalnız orada çalışan şəxslər və xidməti avtomobillərə hərəkət icazəlidir.

3.2 yol nişanından qarşı tərəfə hərəkət qadağandır.

19:04 - 20.06.2024
Amin Cəfərov

Salam.
Avtomobilimi (2010-cu il istehsalı xarici ölkə istehsalı) DYP (Koroğlu metrosu yanındakı dairəvi yolda) saxlayaraq havaya buraxılan karbon emissiyasını yoxlayaraq 50 AZN İXM-nin 342.5-ci maddəsinə əsasən cərimə yazdı.
Sual: Sürücü olaraq mən avtomobilin havaya buraxdığı karbon emissiyasını yoxlatdırmalıyam və əgər yoxlatdırmalıyamsa hansı araqlıqla, Hansı qanunvericilik bunu tənzimləyir? İldə 1 dəfə texniki baxış zamanı yoxlanılır və diaqnoz normal qoyulubsa, yenidən normadan kənarlaşmanı dəqiqləşdirməliyəm?

Əvvəlcədən təşəkkürlər.

SUAL-CAVAB
12:59 - 13.06.2024
Admin
AvtoStop admin

Avtomobilin eqzoz qazının norması (Avro-4 ilə) 1,5%-dəkdir.
Dəm qazının normativinin yoxlanılması DYP (ekologiya) postlarında və ya reyd keçirilən zaman yoxlanıla bilər. Bu zaman reyd barədə sənəd də tələb oluna bilər.
Hər yerdə, reyd sənədi olmadan yoxlanış keçirilə bilməz.

İnzibati Xətalar Məcəlləsinin 342.5-ci maddəsi ilə 50 manat cərimə tətbiq olunmalı və həmin məcəllənin 98-ci maddəsinə əsasən avtomobil müvəqqəti saxlama duracağına yerləşdirilməlidir.

Katalizator içliyini yaxud katalizator dəyişməklə normativə gəlmək olar. Servisdə dəyişiklik etdikdən sonra, yoxlanılması şərtdir.

14:02 - 13.06.2024
Fikrət

Salam mən 30.05.2024 il naməlum şəraitdə sənədləri itirdim: şəxsiyyət və sürücülük vəsiqəsi, NV qeydiyyat şəhadətnaməsi (oğluma məxsus) və idarə etmək üçün etibarnamə. 31.05.2024 il tarixində rayon PB ərizə yazdım və arayış aldım. ASAN xidmətə müraciət etdim və ş/v alandan sonra sürücülük vəsiqəsinin dublikatını almaq üçün tibbi arayış lazımdır və sonra sürücülük vəs. ala bilərəm dedilər. NV dublikat şəhadətnaməsi almaq üçün NV aparılmalıdır DYP Xırdalana ərizə yazılmalıdır və bir ay müddətində yoxlayıb dublikat verəcəklər . My Qov .az-dan sənədlərin elektron versiyasını əldə etdim və mövcudluq qeyd olunub yəni, qüvvədədirlər, itmə barəsində yazılar yoxdur. Tel.şəkillər var və copy var.
Sualım : - mən elektron sənədlərlə NV idarə edə bilərəm ?
- sürücülük vəsiqənin dublikatını almaq üçün tibbi araylş lazımdır ?
- NV şəhadətnaməsi oriqinal olmadıqda elektron versiya ilə DYP - nə NV idarə edəndə ( oğlum yanında olanda və mənim əmlak şəhadətnaməm var ) YP tərəfdən cərimə olunub və NV saxlama meydançasına apara bilərmi ?
- bir ay araşdırma aparanda( ve 1 aydan tez olmur ? ) mənə bu müddət ərzində NV idarə etmək üşün arayış veriləcək və tex.baxış olunmalıdır ? Xahiş edirəm bu suallarla bağlı Qanun əsasında məlumat verəsiniz . Çox sağolun .

SUAL-CAVAB
12:39 - 09.06.2024
Admin
AvtoStop admin

Dövlət orqanlarında (qurumlarında) daxili idarəetmə proseslərinin elektronlaşdırılması tədbirləri haqqında AZƏRBAYCAN RESPUBLİKASI PREZİDENTİNİN FƏRMANIna əsasən bütün bu sənədlərin üzərinizdə olması şərt deyil və hər hansı yoxlama zamanı vəsiqələrə DİN-nin bazasından elektron qaydada baxıla bilər. Sənədlərin üzərinizdə olmamasına görə cərimə oluna bilməzsiniz və avtomobil müvəqqəti saxlama duracağına yerləşdirilə bilməz.

Habelə, etibarnamələriniz də elektron şəkildə Mobil Notariat tətbiqində də (kabinetinizdə) var.

BDYP İdarəsinin Qeydiyyat şöbəsinə təqdim olunan PB arayışı (yaxud sənədlərin itməsi barədə qəzetə verilmiş elanın səhifəsi) verildikdən 1 ay müddətinə nəqliyyat vasitəsinin qeydiyyat şəhadətnaməsinin tapılmasına möhlət verilir. Şəhadətnamə tapılmadığı təqdirdə, yenisi verilir və bu zaman texniki müayinə deyil, sadəcə avtomobilin eyniləşdirilməsi üçün baxış keçirilir.

Sürücülük vəsiqəsinin etibarlılıq müddətinin bitməsinə az qaldığı təqdirdə, sağlamlıq arayışı tələb oluna bilər.

Yeni sənədlər sizə təqdim olunanadək, bütün sənədləriniz hazırda qanuni qüvvədədirlər.

Nəqliyyat vasitəsini rahatlıqla idarə edə bilərsiniz. Postlarda yoxlama zamanı və ya inzibati xəta törədilən zaman saxlanıldıqda, sənədlərə elektron şəkildə baxılmasını tələb və təklif edə bilərsiniz. Həmçinin, MyGOV, E-Polis, Mobil Notariat və s. mobil tətbiqlər vasitəsi ilə özünüz də sənədləri təqdim edə bilərsiniz.

13:19 - 09.06.2024
Rufat

Ickili halda mashini parkovka elediyim ucun DYP emekdasi meni saxladi ve masini cerime meydancasina apardi. Burasi tamamdir. Meni ise novbeti gun ucun devet elediler Polis idaresine. Men polis idaresine yaxinlasdigim halda menden 1000 azn istediler masini cerime meydancasindan cixarilmasi ucun. Bu halda men ne etmeliyem qanuni formada?

SUAL-CAVAB
10:17 - 04.06.2024
Admin
AvtoStop admin

İ.X.M. 333.1. Nəqliyyat vasitəsini idarə etmək hüququ olan şəxs tərəfindən nəqliyyat vasitəsinin alkoqoldan və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsi - 400 (dörd yüz) manat və ya nəqliyyat vasitələrini idarə etmə hüququ 6 (altı) aydan 1 (bir) ilədək müddətə məhdudlaşdırılır.
(+5 bal - məhdudlaşdırılma olmadıqda)

Rüşvət tələb olunduğu təqdirdə, Baş Prokuror yanında Korrupsiyaya qarşı Mübarizə Baş İdarəsinin 161 qaynar xəttinə müraciət edə bilərsiniz.

Sizə protokol tərtib edilməli, avtomobilin müvəqqəti saxlama duracağına yerləşdirilməsi aktlaşdırılmalı idi.
Məhkəmə qərarı ilə sürücülük hüququ 6 aydan 1 ilədək məhdudlaşırılmadan 400 (dörd yüz) manat cərimə qərarı çıxdıqdan və cərimə ödəndikdən dərhal sonra avtomobili idarə etməklə avtomobili müvəqqəti saxlama duracağından çıxar bilərsiniz.
Sürücülük hüququ məhdudlaşdırıldıqda isə, həmin avtomobili idarə etmək hüququ olan digər şəxs duracaqdan çıxara bilər.

10:37 - 04.06.2024
Rufet

Bmw 528 2014 texpasporta m5 yazilibsa 20 lik disk teker qoya bilerikmi avtomobile?

SUAL-CAVAB
16:33 - 02.06.2024
Admin
AvtoStop admin

Bu model üçün şin və disk ölçüləri bunlardır:
İstehsalçı komplektasiyası:
225/55/R17
Tüninq olunanlar üçün məqbul ölçülər:
245/45/R18
275/40/R18
245/40/R19
275/35/R19
245/35/R20
275/30/R20

M5 sport modelinə tüninq olunması qeydiyyat şəhadətnaməsində qeyd olunubsa, 20 düymlük olan disklər qoyula bilər.

16:59 - 02.06.2024
Emin

Salam. Mən xəbərim olmadan məhəllə arasında ev heyvanı (it) vurmuşam. Mənə polis şöbəsindən zəng edib ora dəvət ediblər. Ölüb ya sağdı bilmirəm, bunun məsuliyyəti nədir, nə etməliyəm. Zəhmət olmasa ətraflı məlumat verin.

SUAL-CAVAB
09:37 - 02.06.2024
Admin
AvtoStop admin

Burada məsuliyyət it sahibinin üzərinə düşür və həmin şəxs inzibati məsuliyyətə cəlb olunur.

İ.X.M. 290. Ev heyvanlarının saxlanılması qaydalarının pozulması
290.1.1. ev heyvanlarının qadağan edilmiş yerlərdə saxlanılmasına, qidalandırılmasına, gəzdirilməsinə və ya yetişdirilməsinə;
290.1.4. itlərin cilovsuz, iri itlərin isə həmçinin buruntaqsız ümumi məhəllələrdə və ya küçələrdə gəzdirilməsinə - 200 (iki yüz) manat məbləğində cərimə edilir.

Əgər ev heyvanını qəsdən vurmuş və ya tələf etmişsəniz:
İ.X.M. 274. Heyvanlarla rəhmsiz rəftar edilməsi
- Heyvanlarla rəhmsiz davranmaqla onların şikəst və ya tələf edilməsinə görə - 500 (beş yüz) manat məbləğində cərimə edilir.

Çox güman ki, avtomobilə tərəf qəflətən qaçan iti görmədiyinizə görə qəza baş verib və buna görə də itin sahibi onu cilovsuz gəzdirdiyinə görə məsuliyyət daşıyır. Əks halda isə sizin rəhmsizcəsinə iti öldürməyi sübut edə bilsələr İnzibati Xətalar Məcəlləsinin 274-ci maddəsi ilə cərimə olunacaqsız.

Özünüzü müdafiə edin. Heyvan sahibinin İnzibati Xətalar Məcəlləsinin 290.1.4-cü maddəsini pozaraq, iti cilovsuz gəzdirməsini və qəza şəraiti yaratmasını polisə bildirin.

12:23 - 02.06.2024
Ferrux

Salam biaz evvel meni resid behbudov kucesinde yol patrul emekdasi saxlayaraq sürət həddini aşdığımı və ictimayətin diqqətini pozduğuma görə saxladığını efirə çıxıldığını bildirdi. Və maşını duracağa təmin etdi soruşdum ondan mənə hansı maddə olduğunu demədi sadəcə bildirdiki ictimayətin diqqətini pozmusan. Efirə çıxıb deyiblər atın maşını içəri. Bu halda mən nə etməliyəm

SUAL-CAVAB
22:35 - 31.05.2024
Admin
AvtoStop admin

Sürət həddi 60 km/saat müəyyən olunmuş yolda 83 km/saat sürətlə nəqliyyat vasitəsini idarə etdiyiniz üçün sizə İnzibati Xətalar Məcəlləsinin 328-ci maddəsinin 2-ci bəndi ilə 50 (manat) və 2 bal cərimə tətbiq olunmalı idi.

İ.X.M. 328.2. Yolda müəyyən edilmiş hərəkət sürətini 21-40 km/saat həddində aşmağa görə - 50 (əlli) manat, 2 bal cərimə tətbiq olunur.

YPX müfəttişinin iddiasından belə bəlli olur ki, siz avtoxuliqanlıq etmisiniz və sizə İnzibati Xətalar Məcəlləsinin 511-ci maddəsinin 1-ci bəndi ilə protokol tərtib olunmalı idi.

İ.X.M. 511 .1. Avtoxuliqanlıq, yəni nəqliyyat vasitəsinin sürücüsü tərəfindən ictimai qaydanı və əhalinin dincliyini nümayişkaranə şəkildə pozan, cəmiyyətə açıqca hörmətsizlik ifadə edən, yol hərəkəti qaydalarının müxtəlif üsullarla davamlı olaraq pozulması ilə müşayiət olunan qərəzli hərəkətlər - nəqliyyat vasitəsini idarə etmək hüququ 1 (bir) il müddətinə məhdudlaşdırılmaqla 500 (beş yüz) manatdan 750 (yeddi yüz əlli) manatadək və ya nəqliyyat vasitəsini idarə etmək hüququ 1 (bir) il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, 15 (on beş) gündən 1 (bir) ayadək müddətə inzibati həbs tətbiq olunur.

Təkrar, davamlı şəkildə manevr qaydaları pozma, davamlı sürət həddini aşma, əhalinin dincliyi pozma, cəmiyyətə hörmətsizlik və sair hərəkətlər olduğu halda avtoxuliqanlıq maddəsinin tərkibi olur. Sizin hərəkətdə isə avtoxuliqanlıq tərkibi yoxdur və maddə sizə tətbiq oluna bilməz.

Habelə, avtomobilin müvəqqəti duracağa yerləşdirilməsi üçün sizə öncəsi protokol tərtib edilməli və nəqliyyat vasitəsinin saxlanılması aktlaşdırılmalı idi.
İnzibati Xətalar Məcəlləsinin 511.1-ci maddəsinin tərkibi olmadığı üçün sizə protokol tərtib edilməyib və qanunsuz olaraq, avtomobil müvəqqəti saxlama duracağına yerləşdirilib.

Dövlət Yol Polisi əməkdaşlarının qanunsuz hərəkətlərindən Baş Prokurorluğa (961 və ya 161 qaynar xəttinə müraciətlə) şikayət edə bilərsiniz.

23:43 - 31.05.2024
Ayaz

Salam
DYP - dən mənə zəng edərək bildirdilər ki, köhnə tarixdə 06.05.24 və 13.05.24 tarixlərində N. Rəfiyev küçəsində eyni qayda pozuntuları (327.4. maddə ) etmişəm. Kamera vasitəsi ilə aşkar ediblər. Həmin küçədə 2 səfirlik yerləşdiyini də bildirdilər. Belə olan halda 12 cərimə balım var üzərinə də 8 bal gələrək sürücülük hüququndan məhrum olacağımı bildirdilər. Məni qanunsuz şəkildə dəvət ediblər. Bu gün də Asan pay sisteminə köhnə tarixə İXP cərimə şəklində 150 azn tətbiq olunub, ancaq sms-i bu gün gəlib. Belə olan halda nə ede bilərəm nə getmək istəyirəm nə də cərimə olunmaq. Son vəziyyətdə səfirlikdən şikayət ediblər deyərək tətbiq edə bilərlərmi cəriməni?

SUAL-CAVAB
20:22 - 30.05.2024
Admin
AvtoStop admin

Dövlət orqanı vətəndaşı şifahi və qeyri-rəsmi şəkildə idarəyə dəvət edə, gəlməsini tələb edə bilməz.
Dəvət rəsmi məktubla olmalı, məktubda çağırılma səbəbi, tarixi və dəvət edən məsul şəxsin adı, imzası olmalıdır.
Bu məsələlər Vətəndaşların Qəbulu haqqında Azərbaycan Respublikasının Qanunu ilə tənzimlənir.

Sizə bu maddəyə görə bu üsulla cərimə tətbiq oluna bilməz.

Protokolun sonradan tərtib edilməsi yalnız hər hansı fiziki və ya hüquqi şəxsin (idarə və təşkilatın) şikayət ərizəsi əsasında, TŞ kameralarına baxış keçirərək baş tuta bilər. Şikayətçi olmadığı təqdirdə və bununla yanaşı sübut olmadığı təqdirdə protokol tərtib oluna bilməz. Protokol tərtib olunarsa, protokolun qərarından məhkəməyə şikayət etmə hüququnuz var.
Məhkəmə olduğu təqdirdə, şikayətçi tərəfin də dəvət olunmasını vəsatət qaldırın.


A.R. İNZİBATİ XƏTALAR MƏCƏLLƏSİ

Maddə 122.1. Bu Məcəllənin 327.1 - 327.5, 328, 329.1, 329.2, 330, 339.1-1, 346.3, 346-1.1, 346-1.5, 353.2 və 469.3-cü maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının mərkəzi informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir.

Maddə 122.5. Foto və ya video qeydiyyat funksiyalarına malik xüsusi texniki vasitələrin köməyi ilə aşkar edilmiş inzibati xətalara görə nəqliyyat vasitəsini dayandıraraq, törədilmiş belə xətalar haqqında inzibati xəta haqqında protokol tərtib etmək və ya inzibati tənbeh tətbiq etmə haqqında qərar çıxarmaq qadağandır. Bütün foto və ya video qeydiyyat funksiyalarına malik xüsusi texniki vasitələr müvafiq icra hakimiyyəti orqanının mərkəzi informasiya sisteminə inteqrasiya olunaraq, həmin texniki vasitələrin köməyi ilə aşkar edilmiş inzibati xətalar haqqında yalnız bu Məcəllənin 122.1-ci maddəsində nəzərdə tutulmuş qaydada elektron qərar çıxarılır.

Maddə 101. İnzibati xəta haqqında protokolun tərtib edilməsi müddətləri
101.1. İnzibati xətanın törədilməsi faktı aşkar edildikdən dərhal sonra inzibati xəta haqqında protokol tərtib edilir.
101.2. İşin hallarının, eləcə də barəsində inzibati xəta haqqında iş üzrə icraat aparılan fiziki şəxsin şəxsiyyətinin və ya hüquqi şəxs barəsində məlumatların əlavə aydınlaşdırılması tələb olunduğu hallarda, inzibati xəta haqqında protokol inzibati xətanın aşkar edildiyi vaxtdan iki gün müddətində tərtib edilir.
101.3. İnzibati araşdırma aparıldığı hallarda, inzibati xəta haqqında protokol bu Məcəllənin 102.5-ci maddəsində göstərilən müddətdə tərtib edilir.

Maddə 327.7 Bu Məcəllənin 327.2 - 327.6, 327.8, 328.2, 328.3, 328.4, 331, 333.1, 333-1.1 342.7, 343.1 343-1.1 və 346.3-cü maddələrində müəyyən edilmiş balla qiymətləndirilən xətaları törətməklə sürücülər tərəfindən bir il ərzində 20 və daha çox bal toplanmasına görə - nəqliyyat vasitəsini idarə etmək hüququ altı ay müddətinə məhdudlaşdırılır.


Dəvət olunaraq, rüşvət istənildiyi və ya digər qanunsuz hərəkətlərə yaxud hərəkətsizliyə yol verildiyi halda Baş Prokurorluğa (961 və ya 161 qaynar xəttinə) şikayət ünvanlaya bilərsiniz.

21:00 - 30.05.2024
Famil

Salam.
Dövlət qeydiyyat nişanın itirilməsi hallarında nə etməli və itirilmiş dövlət qeydiyyat nişanın əldə etmək üçün addımlar barədə məlumat verməyinizi xahiş edirəm.
Öncədən təşəkkürlər.

SUAL-CAVAB
00:22 - 29.05.2024
Admin
AvtoStop admin

Dövlət qeydiyyat nişanı itirildikdə və ya oğurlandıqda nəqliyyat vasitəsinin sahibi və ya sərəncam vermək hüququ olan digər şəxs nəqliyyat vasitəsinə yeni dövlət qeydiyyat nişanının alınması üçün gözləməsi şərt deyil.
Dövlət qeydiyyat nişanının itirildiyi ərazi üzrə Polis şöbəsindən bu barədə arayış alınmalı və (Xırdalan şəhəri istiqamətində yerləşən) Baş DYP İdarəsinin Qeydiyyat şöbəsinə (4-cü otaq və ya rayonunuz üzrə müfəttişə) müraciət etməklə təqdim edilməlidir.
İtirilən qeydiyyat nişanının tapılmasını gözləmək istədiyiniz müddətdə digər cütü olan nişanla (tək) və ya qeydiyyat nişansız avtomobili idarə etmək qadağandır.

Yaxud itirilmiş qeydiyyat nişanının tapılmasını gözləmək istəmədiyiniz təqdirdə, yeni qeydiyyat nişanı yerindəcə alına bilər və digər cütü itirilmiş qeydiyyat nişanı idarəyə təhvil verilməlidir.
Təbii ki, itirilən qeydiyyat nişanı tapılarsa, ilk növbədə sizə təklif olunur, imtina etdiyiniz təqdirdə DYP bazasına təhvil verilir.
İtirilmiş dövlət qeydiyyat nişanı tapılmazsa, həmin qeydiyyat nişanının dublikatı çıxarılmır və bu Azərbaycan Respublikasında həyata keçirilmir.

Qeydiyyat şəhadətnaməsi itirildikdə isə bir ay gözləmə müddəti vardır ki, tapılmazsa yenisi verilməlidir.

Qeydiyyat nişanının biri olmadan DYP Qeydiyyat-İmtahan İdarəsinə getdiyiniz müddətdə sizi YPX əməkdaşı cərimələyə bilməz. Qeydiyyat nişanının itirilməsi barədə polisə yazılan ərizə qarşılığında verilən arayış olduqda YPX müfəttişinə təqdim edilir. Olmadıqda isə istiqamətinizin elə bu məsələ ilə əlaqəli olduğunu və yeni qeydiyyat nişanı alacağınızı bildirməniz kifayətdir.

Təkrar qeydiyyat zamanı dövlət rüsumları - yeni qeydiyyat nişanı üçün 30 (otuz) manat, qeydiyyat şəhadətnaməsi üçün 30 (otuz) manat təşkil edir.

Avtomobilə texniki baxışın vacibliyinə qaldıqda isə, avtomobil texniki müayinədən keçirilmir, sadəcə olaraq - avtomobilin ban və mühərrik nömrələrinə, rənginə və s. baxış keçirilir. Bu da eyniləşdirmə prosedurdur. Əks halda, hər kəs yeni qeydiyyat nişanı adı ilə yeni mühərrik və ya digər avtomobili qeydiyyata sala bilər. Və bu texniki baxışa görə rüsum ödənilmir. Əgər avtomobilin texniki müayinə talonu varsa, müayinədən keçibsə, yenidən keçirilməsinə lüzum yoxdur və eyniləşdirmə proseduruna görə müayinə haqqı tələb oluna bilməz.

12:08 - 29.05.2024
Murad

Salam. 342.3. bəndindəki normativ tələblər nələrdir? Avtomobilin səsboğucusuna müdaxilə etmişəm ancaq heç bir əlavə avadanlıq quraşdırmamışam. Bu halda yol polis əməkdaşları "səsi çox gəlir" əsası ilə maşını duracağa apara bilər mi?

SUAL-CAVAB
15:31 - 25.05.2024
Admin
AvtoStop admin

Normativ tələblər avtomobilin zavod istehsalçısı tərəfindən istehsal standartlarıdır. Əlavə dəyişikliklər yolverilməz sayılır.

İ.X.M. 342.3. Mühərrikin səs gücünün artırılması məqsədi ilə nəqliyyat vasitəsinin işlənmiş qazları xaric etmə sisteminə normativ tələblər pozulmaqla avadanlığın quraşdırılması və ya dəyişdirilməsi - 500 (beş yüz) manat cərimə tətbiq olunur.

Siz avtomobilinizin mühərrikinin səs gücünün səs-küy desibelinə artım etmə istəyi ilə səsboğucuya müdaxilə etmədiyinizə görə və avadanlıqlar quraşdırmadığınıza görə sizə İnzibati Xətalar Məcəlləsinin 342.3-cü maddəsi tətbiq oluna bilməz. (Əks halda düzgün maddə tətbiq olunub.)
Səs-küy desibeli xüsusi avadanlıqla yoxlanılmalıdır, yoxlanılmadan normativ tələbdən yüksək olması aydın olmadan cərimə tətbiq oluna bilməz.

Siz avtomobilin konstruksiya ünsürünə müdaxilə etdiyinizə görə normativ tələb sayılan səs-küy desibeli 74dB-i keçdikdə sizə nəqliyyat vasitəsinin konstruksiyanın digər ünsürlərinin nasazlığına görə İnzibati Xətalar Məcəlləsinin 342-ci maddəsinin 5-ci bəndi ilə (50 manat) cərimə tətbiq oluna bilər. Və avtomobilin nasazlığı yerindəcə qaldırılması mümkün olmadıqda, həmin məcəllənin 98-ci maddəsinə əsasən avtomobil müvəqqəti saxlama duracağına yerləşdirilir.

İ.X.M. 342.5. Xarici işıq cihazları və ya qabaq şüşənin şüşə silgəcləri və şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı - 50 (əlli) manat cərimə tətbiq olunur.

İ.X.M. 98. Nəqliyyat vasitələrinin istismarının qadağan edilməsi
- Tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri, şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı müvafiq icra hakimiyyəti orqanı tərəfindən qadağan edilir.

İ.X.M. 97.2. Nəqliyyat vasitəsinin saxlanılması səbəbinin aradan qaldırıldığı barədə lazımi sənədlər təqdim edildikdən və ya xətaya görə inzibati tənbeh verildikdən, nəqliyyat vasitəsinin duracağa gətirilməsi və onun orada saxlanılması üçün haqq ödənildikdən dərhal sonra, saxlanılmış nəqliyyat vasitəsi sahibinə qaytarılır.

Sizə yalnış maddə ilə cərimə tətbiq olunubsa, ilk öncə Daxili İşlər Nazirliyinə və ya Baş Dövlət Yol Polisi İdarəsinə (e-muraciet.mia.gov.az ünvanından) elektron müraciət etməklə uyğun maddəyə dəyişdirilməsini tələb edin. Müsbət cavab almadığınız yaxud tədbir görülmədiyi təqdirdə, Baş Prokurorluğa dövlət orqanının səhlənkarlığı və ya hərəkətsizliyindən (961 qaynar xəttinə müraciətlə) şikayət edə bilərsiniz.

15:54 - 25.05.2024
Səhifə: ...