AvtoStop

AvtoStop, AvtostopAZ, AVTOSTOP.AZ, AvtoStop sual-cavab, Sual-Cavab, Suallar, Cavablar, Prava almaq, DYP, YPX, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, Gomruk kalkulyatoru, Avtomobilin gomruk rusumu, masinin gomruk rusumu, gomruk rusumunu yoxlamaq, gomruk rusumu yoxla, avto gomruk kalkulyatoru, rastamoska rusumu, raztamoska rusumu, gomruk rastamowka rusum, Gömrük rüsumu kalkulyatoru, Avtomobilin gömrük rüsumu yoxlanışı, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, DYP muraciet, Dovlet Yol Polisine muraciet, DYP sikayet, DYP-ne wikyet, qai wikayet, qai sikayet, yol polisine sikayet, cerime sikayeti, mmx sikayeti, cerimeden sikayet dyp, ypx sikayet, YPX muraciet, YPX müraciət, YPX Şikayət, DYP Müraciət, Icbari sigorta, avtosigorta, avtomobil icbari sigortasi, masin sigortasi, sigorta almaq, icbari avto sigorta, icbari sigorta, Icbari sığorta, Avto İcbari Sığorta, Maşın, Nəqliyyat vasitəsi, Imtahana hazirliq, Suruculuk imtahanina hazirliq, DYP imtahanina hazirliq, Onlayn derslik, Sürücülük imtahanına hazırlıq, DYP imtahanına hazırlıq, Onlayn dərslik, Suruculuk vesiqesi, Sürücülük vəsiqəsi, DYP imtahanında verilen suallarç İmtahanda verilən suallar - cavablar

SUALLARA CAVAB ÖDƏNİŞLİDİR !
5 AZN / ONLAYN və TERMİNALLA
RSS
.
captcha

Rövşən

Salam hər vaxtınız xeyir. 2 gün öncə qəza etmişəm. Avtomobil changan uni v 2023 modeldir. Sağ faranın üst şüşəinin kiçik bir hissəsi sınıb, kapot əzilib ( dəmirçi düzəldə bilir) və bufer əzilib. Lakin hissələr kasko tərəfindən dəyişdiriləcək. Hissələr sifariş ilə 2 ay müddətinə gələcəyi üçün məcbur avtomobili idarə etməliyəm. Bu halda məni DYP-nin saxlaması və ya cərimələməsi qanunudurmu və ya bu halda avtomobili idarə edə bilərəmmi ? Qeyd edim ki heç bir hissə sökülməyəcək və idarə etməyə heç bir problem yaratmır. Diqqətiniz üçün təşəkkür edirəm öncədən

SUAL-CAVAB
04:23 - 29.03.2024
Admin
AvtoStop admin

Avtomobilin işlək konstruksiyaları, hissələri və optik cihazları nasaz olduğu halda sürücü cərimə edilə və avtomobil nasaz olduğu halda müvəqqəti saxlama duracağına yerləşdirilə bilər.

İ.X.M. 342.5. Xarici işıq cihazları və ya qabaq şüşənin şüşə silgəcləri və şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı - 50 (əlli) manat cərimə tətbiq edilir.

İ.X.M. 98. Nəqliyyat vasitələrinin istismarının qadağan edilməsi
- Tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri, şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı müvafiq icra hakimiyyəti orqanı tərəfindən qadağan edilir.

Sizin halda isə optik cihazlar sazdır və işlək vəziyyətdədir. Təbii ki, optik cihazın üst plastiki və ya şüşəsinin qırıq olması yağışlı havada nasazlığına və hətta yanğına səbəb ola bilər. Buna görə avtomobilin istismari məsləhət deyil. Lakin, cərimə olunmanız da məqbul deyil.

Cərimə tətbiq edilibsə, cərimədən qərarı çıxdıqdan sonra, protokolun qərarından məhkəməyə şikayət edə bilərsiniz.

05:12 - 29.03.2024
Eldar Rəhimov

Tbilisi prospektiynən İzmir küçəsi ilə Həsən Əliyev küçəsinin kəsişməsində eyni vəziyyət olduqda, işıqfroların quraşdırılmasında fərq var. Tbilisi prospektiynən Bakıxanov körpüsü istiqamətində gedəndə və geri dönmək üçün Həsən Əliyev küçəsiynən kəsişmədə olan hissədə sola döndükdə yolun sağ hissəsində işıqfor quraşdırılıb və stop-xətt çəkilib, əlavə olaraq qarşıda (yolun digər tərəfində, üzbəuzdə) əlavə, köməkçi ( təkrarlayan) işıqfor quraşdırılıb. Lakin İzmir küçəsiynən kəsişmədə geri dönüş etdikdə, sola dönərkən yolun sağında işıqfor quraşdırılmayıb, yalnız stop-xətt və yolun digər tərəfində (üzbəüzdə) işiqfor quraşdırılıb, və prinsipcə, (logikaya görə) bu halda həmin işıqfor əsas svetofor sayılmamalıdır ona görə ki, İzmir küçəsindən Tbilisi prospektinə (üzü 20 yanvar tərəfə) gedən avtomobillərin nizanlanması üçün yolun sağında quraşdırılmış işıqforun təkrarlayan əlavə işıqfordu və Tbilisi prospektiynən hərəkət edən, geri dönüş edən avtomobillərin hərəkətinə şamil olunmamalıdır. Həmin avtomobillər sola dönərkən sağdan, Tbilisi prospektiynən üzü 20 yanvar metrosu istiqamətində hərəkət edən avtomobilləri buraxıb, tıxac yaratmamaq məqsədi ilə hərəkətinə davam etməlidir.
Yuxarıda yazılanları analiz edib həmin ərazidə yol hərəkətinin nizanlanması düzgün təşkil olunub olunmaması barədə qanunvericiliyə uyğun cavab verməyinizi və işıqforların quraşdırılması haqqında norma və qaydaların mövcuddursa, onlarnan necə tanış olması barədə məlumat verməyinizi xahiş edirəm.

SUAL-CAVAB
10:18 - 27.03.2024
Admin
AvtoStop admin

Yol Hərəkəti haqqında Qanun,
Maddə 76. Nizamlanan yolayrıcıları
IV. Svetoforun icazə siqnalı yanarkən yolayrıcına girmiş sürücü yolayrıcının çıxışında qoyulmuş svetoforun siqnalından asılı olmayaraq, nəzərdə tutulan istiqamətdə dayanmadan hərəkət etməlidir, bu zaman qalan nəqliyyat vasitələri ona maneə törətməməlidirlər. Lakin, əgər yolayrıcında sürücünün hərəkət etdiyi yolda qoyulmuş svetoforların qabağında stop-xətlər (5.33 nişanı) vardırsa, sürücü hər bir svetoforun siqnalını əsas tutmalıdır.

Yol hərəkəti qaydalarına əsasən orada nizamlanma problemi mövcud deyil.

İrad və təkliflərinizi BDYPİ “Siqnal” İxtisaslaşdırılmış Layihə-İstehsalat İdarəsinə bildirin.

11:42 - 27.03.2024
Fərrux

Salam. 4 gün əvvəl sürücülük vəsiqəsinin etibarlıq müddəti bitdiyinə görə avtomobil cərimə meydançasına aparılıb və texniki pasport DYP əməkdaşı tərəfindən götürülüb, lakin heç bir protokol bugünədək yazılmayıb (48 saatdan çoxdur). Sürücülük vəsiqəsini isə artıq yeniləmişəm. Zəhmət olmasa bu suallara cavab verərdiz.
1. Avtomobilin tək sahibi və müddəti keçmiş sürücülük vəsiqəsinin sahibi eyni adamdırsa (yəni öz mülküdür) DYP əməkdaşı tərəfindən saxlanıldıqdan dərhal sonra evakuator vasitəsilə avtomobili apara bilərmi (cərimə meydançasına təmin olunmadan)?
2. Bu kimi hallarda texniki pasport götürülməlidir?
3. Götürülübsə hal-hazırda kimdədir?
4. Bu cərimə 48 saat ərzində yazılmayıbsa bundan sonra yazıla bilərmi?
5. ⁠Yazılacaqsa əgər nə qədər doğrudur?
6. Avtomobilin meydançadan çıxarılması üçün hara müraciət edilməlidir?

SUAL-CAVAB
14:47 - 26.03.2024
Admin
AvtoStop admin

Şəxs nəqliyyat vasitəsini idarəetmə hüququ olmadığına görə cərimə olunmalı, protokol yerindəcə tərtib olunmalı idi. Burada hər hansı xüsusi araşdırmaya ehtiyac yoxdur.
Mülk sahibi olduğunuza görə avtomobili evakuatorla yaxud həmin nəqliyyat vasitəsini idarə etməyi etibar etdiyiniz (avtomobildə yanında olmaqla, etibarnamə olmadan belə), sürücülük (vəsiqəsi) hüququ olan istənilən şəxs idarə edərək, istənilən yerə qədər gedə bilərdiniz.

Sənədlərdən hər hansının DYP İdarəsinin əməkdaşları tərəfindən alınması və saxlanılması yolverilməzdir. Yalnız məhkəmə qərarı olduqda, sürücülük vəsiqəsi idarəyə təhvil verilir.
Avtomobilin qeydiyyat şəhadətnaməsi hal-hazırda həmin YPX müfəttişinin verdiyi yerdə olacaq, bunu sizə o məlumat verməlidir və bu qanunsuz haldır.

Hal-hazırda protokol tərtib olunmayıbsa, keçmiş tarixlə protokol tərtib oluna bilməz. Xüsusilə də əgər siz sürücülük vəsiqənizi yeniləyibsinizsə, demək ki, sürücülük hüququnuz var.

İ.X.M. 332.2. Nəqliyyat vasitəsini idarə etmək hüququ olmadan nəqliyyat vasitəsinin idarə edilməsi - 100 (yüz)manat cərimə tətbiq olunmalı idi.

İ.X.M. 97. Nəqliyyat vasitələrinin saxlanılması
- 97.5. Nəqliyyat vasitəsinin saxlanılması iki nüsxədə olan aktla rəsmiləşdirilir, onun birinci nüsxəsi inzibati xəta haqqında protokola əlavə edilir, surəti isə nəqliyyat vasitəsini idarə edən şəxsə verilir.

İ.X.M. 98. Nəqliyyat vasitələrinin istismarının qadağan edilməsi
- Tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri, şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı müvafiq icra hakimiyyəti orqanı tərəfindən qadağan edilir.

Avtomobilin müvəqqəti saxlama duracağına yerləşdirilməsi də qanunsuz edilib, protokol tərtib edilmədən hər hansı hərəkət edilməsi yolverilməzdir. Maddə tərkibi olmadan, özbaşına sizin mülkü müvəqqəti saxlama duracağına yerləşdirilməsi də qanunsuz hərəkət idi. Sizinlə əlaqə yaradan və ya yaradacaq məsul şəxsdən avtomobilin sizə qaytarılmasını tələb edin. Yaxud avtomobilin orada qalması şikayətinizdən sonra həmin əməkdaşların qanunsuz əməllərinin dəlili kimi işlərini ağırlaşdıracaq.

YPX əməkdaşının özbaşınalığından Baş Prokurorluğa şikayət edin.

16:13 - 26.03.2024
Aqil

Aeroport yolunda Yol polisi maşınımı saxlayıb kəskin manevrlər etməyimlə bağlı onlara maşınımın saxlanılması və cərimə meydanına götürülməyimlə bağlı məlumat daxil olduğunu dedi.Mən heç bir manevr etmədiyimi və kamera görüntülərinə baxmağımı tələb etdim lakin onlar görüntülərə yaınız məhkəmədə hakimlə birgə baxa biləcəyimi söylədilər və bunun səhv də ola biləcəyini dedilər.Sual: kamera görüntülərini mənə təqdim etmədən maşını cərimə meydançasına aparmaq və məni məhkəməyə vermək doğrudurmu?100% hər hansı qayda pozuntusu etmədiyimə əminəm.

SUAL-CAVAB
21:58 - 22.03.2024
Admin
AvtoStop admin

İlk növbədə bu iddianı edən Yol Patrulu müfəttişi sizə sübut təqdim etməlidir. Çünki, o sizi avtoxuliqanlıqda təqsirləndirir. Bir neçə manevrə etmək avtoxuliqanlıq demək deyil.
Sizə hansı maddə ilə protokol tərtib edilməsi barədə məlumat verməsini və bu protokolla ümumiyyətlə avtomobilin istismarına qadağa qoyulması şərtdirmi, onu dəqiqləşdirmək lazımdır.
Aşağıda göstərilən maddələrə uyğunluq olmadığı təqdirdə, Baş Prokurorluğa şikayət edin.


İnzibati Xətalar Məcəlləsi:

Maddə 511. Avtoxuliqanlıq
511.1. Avtoxuliqanlıq, yəni nəqliyyat vasitəsinin sürücüsü tərəfindən ictimai qaydanı və əhalinin dincliyini nümayişkaranə şəkildə pozan, cəmiyyətə açıqca hörmətsizlik ifadə edən, yol hərəkəti qaydalarının müxtəlif üsullarla davamlı olaraq pozulması ilə müşayiət olunan qərəzli hərəkətlərə görə - nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir və ya nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur.
511.2. Eyni hərəkətlərin inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə - nəqliyyat vasitəsini idarə etmək hüququ iki il müddətinə məhdudlaşdırılmaqla, yeddi yüz əlli manatdan min manatadək məbləğdə cərimə edilir və ya nəqliyyat vasitəsini idarə etmək hüququ iki il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, bir aydan iki ayadək müddətə inzibati həbs tətbiq olunur.
511.3. Bu Məcəllənin 511.1-ci maddəsində nəzərdə tutulmuş hərəkətlərin aşkar surətdə iki və ya daha artıq nəqliyyat vasitəsinin iştirakı ilə sürət yarışı təşkil edərək yolda müəyyən edilmiş hərəkət sürəti həddini 60 km/saatdan artıq aşmaqla törədilməsinə görə - nəqliyyat vasitəsini idarə etmək hüququ iki il müddətinə məhdudlaşdırılmaqla iki min manatdan dörd min manatadək məbləğdə cərimə edilir və ya nəqliyyat vasitəsini idarə etmək hüququ iki il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, bir aydan iki ayadək müddətə inzibati həbs tətbiq olunur.

Maddə 97. Nəqliyyat vasitələrinin saxlanılması
97.2. Nəqliyyat vasitəsinin saxlanılması səbəbinin aradan qaldırıldığı barədə lazımi sənədlər təqdim edildikdən və ya xətaya görə inzibati tənbeh verildikdən, nəqliyyat vasitəsinin duracağa gətirilməsi və onun orada saxlanılması üçün haqq ödənildikdən dərhal sonra, saxlanılmış nəqliyyat vasitəsi sahibinə qaytarılır.
97.5. Nəqliyyat vasitəsinin saxlanılması iki nüsxədə olan aktla rəsmiləşdirilir, onun birinci nüsxəsi inzibati xəta haqqında protokola əlavə edilir, surəti isə nəqliyyat vasitəsini idarə edən şəxsə verilir.

Maddə 98. Nəqliyyat vasitələrinin istismarının qadağan edilməsi
Tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri, şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı müvafiq icra hakimiyyəti orqanı tərəfindən qadağan edilir.

09:54 - 23.03.2024
Rahim

Salam. Sualım avtomobilin qeydiyyatı ilə əlaqədardı. Mənim qeydiyyatım Qusar rayonudu. Mənim adıma olan maşının üstündə Bakı seriyası (10) ilə olan nömrə var. Həmin avtomobilin üstündə olan 10 seriyalı nömrəmi yeni aldığım avtomobilə vurmaq isteyirem, və köhnə maşına region üzrə yəni nömrə alacam. Bunun üçün aşağıdakı suallara cavab tapmaqda köməklik göstərməyinizi xahiş edirəm:
1. Avtomobilin satışı zamanı nömrəmi öz adıma saxlayıb yeni maşına vura bilərəmmi?
2. Nəzərə alsaq ki mənim qeydiyyatım Qusar rayonudu, nömrə 10 seriyalıdı bu əməliyyatı DİN BDYPİ-nin Xaçmaz Regional qeydiyyat idarəsi icra edə bilərmi?
3. Əgər bu mümkündüsə bunun üçün hansı sənədlər tələb olunur?
Bildirmək isteyirem ki, adıçəkilən idarə bu cür əməliyyatın yalnız Bakıda (10 seriyalı olduğu üçün) mümkün olduğunu bildirir.

SUAL-CAVAB
16:03 - 19.03.2024
Admin
AvtoStop admin

Bu işin ən qısa yolu Bakı şəhərində müvəqqəti yaşayış qeydiyyatına düşməkdir. Dediyiniz yolla uzun proses və Regional DYP İdarəsində Bakı seriyası ilə qeydiyyat mümkün olmayacaq.
Bakıda müvəqqəti yaşayış qeydiyyatına düşdükdən sonra BDYP Qeydiyyat İdarəsində, hər iki avtomobili təkrar qeydiyyata və qeydiyyata salarkən 10 seriyalı dövlət qeydiyyat nişanını digər mülkiyyətinizdə olan avtomobilə təhkim olunmasını, köhnə avtomobilə isə yeni qeydiyyat nişanının verilməsini xahiş edirsiz.
Yeni qeydiyyat nişanı üçün 30 manat rüsum, qeydiyyat şəhadətnamələri üçün isə 30+30 manat xərciniz olacaq. Digər öz qeydiyyat nişanınızın yeni avtomobilə keçirilməsində dövlət qeydiyyat nişanına görə rüsum ödənilmir.

17:22 - 19.03.2024
Orxan

Salam. Tıxacda hərəkətsiz vəziyyətdə arxadan dayanan maşın manevr etmək istəyərkən maşınım sol buferini zədələndi. DYP əməkdaşı gəldi,sığorta nümayəndəsi çağırıldı.Qarşı tərəf günahını boynuna aldı. Növbəti gün polis şöbəsinə yaxınlaşdım. Narkotiklə yoxlanışı ilə bağlı dispanserə göndəriş yazacağını bildirdi amma həmin gün göndəriş vermədi.

Sual 1: Göndəriş yazmağı qanunidirmi?
Sual 2: Alkoqol testi ilə bağlı heç bir tədbir görülmədi. Hadisədən 22 saat sonra özüm hər ehtimala gedib arayış aldım. Keçərlidirmi? Neçə saata kimi yoxlanışa gedə bilərəm?
Sual 3: Bu tip hallarda qanun nə deyir? Prosedur necə olmalıdır?
Sual 4: Hansı müddət ərzində dyp əməkdaşları qərarı sığortaya göndərməlidir?
Sual 5: sürücülük vəsiqəm onlardadır. Bu qanunidirmi ?

SUAL-CAVAB
19:34 - 14.03.2024
Admin
AvtoStop admin

Qarşı tərəfin iddiası və ya "Nəqliyyat vasitəsini idarə edən şəxsin sərxoşluq vəziyyətinin müəyyən edilməsi Qaydaları"nın 2.1-ci maddəsinin bəndlərində göstərilən əlamətlər olduğu təqdirdə müayinəyə göndərilə bilərsiniz.
İnzibati xətanı törədən tərəf bəllidirsə və öz xətasını boynuna alırsa, zərərçəkən tərəfin sərxoşluq əlamətləri yoxdursa, hər-hansı müayinəyə göndərilməməlidir. Əks hal olduğu təqdirdə, müayinə qısa bir müddət ərzində həyata keçirilməlidir.

* Nəqliyyat vasitəsini idarə edən şəxsin sərxoşluq vəziyyətinin müəyyən edilməsi Qaydaları *
2. Nəqliyyat vasitəsini idarə edən şəxsin sərxoşluq vəziyyətinin müəyyən edilməsi, o cümlədən həmin şəxsin tibbi müayinəyə göndərilməsi
2.1. Nəqliyyat vasitəsini idarə edən şəxsin sərxoşluq vəziyyətinin müəyyən edilməsi aşağıdakı əlamətlərdən biri müşahidə olunduqda həyata keçirilir:
2.1.1. nəfəsindən alkoqollu içki qoxusu gəldikdə;
2.1.2. ayaq üstə sərbəst dayana bilmədikdə;
2.1.3. özünü idarə edə bilmədikdə.
2.2. Nəqliyyat vasitəsini idarə edən şəxsin alkoqollu içkidən, narkotik vasitələrdən, psixotrop və digər güclü təsir edən maddələrdən istifadə etməsi faktını təsdiq etmək məqsədi ilə polis əməkdaşı müayinənin nəticəsini kağız daşıyıcıda əks etdirən texniki vasitələrdən (alkotester, narkotester) istifadə edir.
2.3. Alkoqolun qəbulu faktının xüsusi texniki vasitə ilə yoxlanılması şəxsin nəfəsvermə, narkotik vasitələrdən, psixotrop və digər güclü təsir edən maddələrin qəbulu faktının xüsusi texniki vasitə ilə yoxlanılması isə şəxsin ağız suyundan nümunənin götürülməsi üsulu ilə aparılır.
2.4. Xüsusi texniki vasitə qanda alkoqolun konsentrasiyasının 0,3 promilli və daha artıq olmasını və yaxud narkotik vasitələrin, psixotrop və digər güclü təsir edən maddələrin qəbulunu göstərdiyi halda şəxsin sərxoşluq vəziyyətində olduğu hesab edilir.
2.5. Şəxsin xüsusi texniki vasitələrlə yoxlanılması zamanı alkoqollu içkidən və yaxud narkotik vasitələrdən, psixotrop və digər güclü təsir edən maddələrdən istifadə edilməsi nəticəsində sərxoşluq vəziyyəti müəyyən olunarsa, polis əməkdaşları tərəfindən Azərbaycan Respublikasının İnzibati Xətalar Məcəlləsinin 406-cı maddəsinə uyğun olaraq protokol tərtib edilir.
2.6. Müayinənin nəticəsini kağız daşıyıcıda əks etdirən sənəd 2 nüsxədə tərtib olunur. Həmin sənədin bir surəti nəqliyyat vasitəsini idarə edən şəxsə verilən protokola əlavə edilir, digər surəti isə polis əməkdaşında saxlanılır.
2.7. Nəqliyyat vasitəsini idarə edən şəxs alkoqollu içkidən və yaxud narkotik vasitələrdən, psixotrop və digər güclü təsir edən maddələrdən istifadə edilməsi nəticəsində sərxoş vəziyyətdə olub-olmamasının müəyyən edilməsindən imtina etdikdə və ya xüsusi texniki vasitə ilə müayinənin nəticəsindən narazı olduqda, lakin onun sərxoşluq əlamətləri özünü aşkar büruzə verdikdə, həmin şəxs tibbi müayinəyə göndərilir.
3. Nəqliyyat vasitəsini idarə edən şəxsin sərxoşluq vəziyyətinin müəyyən edilməsi üçün tibbi müayinənin aparılması
3.1. Alkoqollu içkilərin qəbulu, narkotik vasitələrdən, psixotrop maddələrdən və digər güclü təsir edən maddələrdən istifadə edilməsi nəticəsində yaranan sərxoşluq hallarının müəyyənləşdirilməsi məqsədi ilə aparılan tibbi müayinə yalnız narkoloji xidmət göstərən dövlət tibb müəssisəsinin həkim-narkoloqu tərəfindən həyata keçirilir. Sərxoşluq hallarının müəyyən edilməsi məqsədi ilə aparılan tibbi müayinə tibbi müayinəyə göndərilmə barədə protokolla, habelə müayinə olunan şəxsin təşəbbüsü ilə həyata keçirilir.
3.2. Nəqliyyat vasitəsini idarə edən şəxsin alkoqol sərxoşluğunun təyin edilməsi qanda alkoqolun bu Qaydaların 2.4-cü bəndi ilə müəyyən edilmiş konsentrasiyasına əsasən müəyyənləşdirilir.
3.3. Narkotik vasitələrdən, psixotrop maddələrdən və digər güclü təsir edən maddələrdən istifadə edilməsi nəticəsində yaranan sərxoşluq hallarının təyini isə həkim-narkoloq tərəfindən bioloji mayelərin (qan, tüpürcək, sidik, hava və s.) müayinəsi vasitəsilə həyata keçirilir. Şəxsə aid bioloji mayelərdə narkotik vasitələrin, psixotrop maddələrin və digər güclü təsir edən maddələrin izi və sərxoşluğun kliniki əlamətləri aşkar edildikdə, həmin şəxs sərxoş hesab edilir.
3.4. Müayinə aparan həkim-narkoloq bu Qaydaların əlavəsinə uyğun formada 3 nüsxədən (əsli və surəti) ibarət tibbi müayinə aktı tərtib edir. Aktda yoxlanılan şəxs barədə məlumatlar (adı, soyadı, atasının adı, doğulduğu tarix, sürücülük vəsiqəsinin nömrəsi), müayinə aparılması barədə qərar qəbul edən orqanın adı və müayinənin səbəbi göstərilir.
3.5. Müayinənin nəticələri aktda qeyd olunur və aktın bir surəti müayinə edilən şəxsə, bir surəti isə onu müayinəyə təqdim etmiş vəzifəli şəxsə təqdim edilir.
3.6. Müayinə olunan şəxs tibbi müayinənin nəticəsi ilə razı olmadığı təqdirdə, o təkrar tibbi müayinənin keçirilməsi barədə müayinəni keçirən tibb müəssisəsinin rəhbərliyinə yazılı ərizə təqdim edə bilər. Bu halda tibb müəssisəsinin rəhbəri təkrar tibbi müayinənin həkim-narkoloqlar tərəfindən təşkil edilən komisyon qaydada aparılması barədə qərar qəbul edir.

İcbari sığorta təminatına görə DYP İdarəsi elektronlaşdırılmış qaydada, 10 iş günü ərzində forma 4-ü İcbari Sığorta Bürosunun məlumat bazasına yerləşdirməlidir.

Sürücülük vəsiqəsi yalnız məhkəmə qərarı əsasında sizdən alına bilər. Digər hallarda, məhkəmə qərarı ilə sürücülük hüququ məhdudlaşdırılmadıqda, hər hansı bir dövlət orqanının sürücülük vəsiqəsini müvəqqəti saxlama və ya daimi saxlama kimi hüququ yoxdur. Sənəd toplusuna ehtiyac olduğu təqdirdə, vəsiqələrin nüsxəsinin çıxarılması yetərlidir.

Şikayətiniz olduğu təqdirdə, Baş DYP İdarəsinə, Daxili İşlər Nazirliyinə yaxud süründürməçiliyə yol verildiyi halda Respublika Baş Prokurorluğuna müraciətinizi ünvanlaya bilərsiniz.

20:40 - 14.03.2024
Elmir

Salam 01.09.2014 tarixli Honda ACCORD avtomobili qəzalı vəziyyətdə idxal etmişəm. Gömrük rəsmiləşmə olub.
1) Avtomobilə Dövlət qeydiyyat nişanı rəsmi qaydada rəsmiləşdirmək istəyirəm DYP mənə tranzit nömrə verir ki, get avtomobili düzəlt sonra qeydiyyata salaq. Sualım odur ki, bu düzgündürmü? Harda qeyd olunub ki qəzalı avtomobili qeydiyyata alınmır? (Texniki baxış olunmaması aydındı avtomobil saz deyil yalnız fikirləşirəm ki, qeydiyyat alınmalıdır)
2) Əgər tranzit verilibsə təmir elətdirib gələndən sonra isə mənə 3 aylıq müvəqqəti texpasport verir. Sual hansı hallarda müvəqqəti texpasport verilir?
Mühərrikin həcmi 2.0 olduğunu nəzərə alıb zəhmət olmasa edəcəyim ödənizləridə deyin.

SUAL-CAVAB
18:32 - 13.03.2024
Admin
AvtoStop admin

Nasaz avtomobil qeydiyyatdan keçirilməlidir, lakin, nasazlığı sənəddə qeyd olunur və heç bir qanunda nasaz avtomobilin qeydiyyata alınmaması yazılmayıb.

Məsləhətimiz avtomobili saz vəziyyətə gətirdikdən sonra, texniki müayinədən keçərək, qeydiyyata salmanızdır. Qeyd edək ki, nasaz qeyd olunmuş qeydiyyat şəhadətnaməsi olan avtomobil yalnız evakuatorla daşına bilər.
3 aylıq deyilən qeydiyyat şəhadətnaməsi olmur, əgər avtomobillə yol hərəkəti iştirakçısı olmaq istəyirsinizsə, avtomobil saz vəziyyətdə olmalı, texniki müayinədən keçməli və nasaz qeydi olmayan qeydiyyat şəhadətnaməsi olmalıdır.

Mühərrik həcminə görə - 100 manat;
Texniki müayinə - 30 manat;
Dövlət qeydiyyat nişanı - 30 manat;
Qeydiyyat şəhadətnaməsi rüsumu - 30 manat təşkil edəcək.

18:45 - 13.03.2024
Elşad Musayev

Salam. Amerikadan alınmış qəzalı avtomobilin dövlət qeydiyyatına alınması zamanı hansı rüsumlar ödənilməlidir və prosedur necə aparılır? Hansı sənədlərin tərcümə olunmasına ehtiyac var? bundan əlavə İnterpol və s. kimi orqanlardan qüsursuzluq arayışının alınması üçün göndərilə bilərmi? Avtomobilin banında əzik olduğu halda ona dövlət nömrə nışanı tranzit kimi verilməsi qanunidirmi?
Motor 2000sm/kub

SUAL-CAVAB
16:28 - 13.03.2024
Admin
AvtoStop admin

Gömrük rüsumları ödəndikdən sonra DYP Qeydiyyat idarəsində standart rüsumlar ödənilir.
Texniki müayinə 30 manat, yeni qeydiyyat nişanı 30 manat, mühərrik həcminə görə dövlət rüsumu 100 manat və qeydiyyat şəhadətnaməsi rüsumu 30 manat təşkil edəcək.

Xarici ölkədən gətirilən avtomobilin "title" deyilən vərəqi olur. Bu sənəd notarial təsdiqli tərcümə edilməlidir.

Avtomobilin banında olan əziklik avtomobilin istismarına maneəçilik törətmirsə, idarə edilə bilər. Həmçinin, o vəziyyətdə də gömrükdən keçirilməlidir və tranzit qeydiyyat nişanı da verilməlidir.
Habelə, avtomobil istismara yarasız olsa belə, evakuatorla DYP İdarəsinə aparılmaqla, sənəddə problemi qeyd olunmaqla, qeydiyyata salına bilər.

Avtomobilin axtarışda olub-olmaması artıq gömrük və hüquq-mühafizə orqanlarının işləridir. Həmin ban yaxud mühərrik nömrəsi oğurluq kimi axtarışdadırsa, zatən gömrükdən avtomobil buraxılmayacaq. Avtomobilin axtarışda olmaması barədə hər hansı bir arayışın olması hər hala qarşı xeyrinizə olan bir haldır.

18:03 - 13.03.2024
Rahim Hüseynov

Yeni aldığım maşına satdığım maşının qeydiyyat nişanını vurmaq istəyirəm. köhnə maşına da yəni nömrə alınmalıdır.
Yeni maşının mühərriki 1582 sm/kub, köhnədə isə 1568 sm/kub-dur.
Bunların ödənişi nə qədər olacaq?

SUAL-CAVAB
12:23 - 13.03.2024
Admin
AvtoStop admin

Köhnə avtomobilinizi satarkən, dövlət qeydiyyat nişanından blankda imtina edilmir və bronda saxlanılır.

Yeni avtomobili qeydiyyata salarkən isə həmin qeydiyyat nişanını yeni avtomobilə təhkim olunmasını bron olunan DYP İdarəsində bildirirsiniz.

Alqı-satqıda imtina etmədiyiniz qeydiyyat nişanına görə ödəniş olunmur. Digər avtomobilə yeni qeydiyyat nişanı üçün 30 manat rüsum ödənilir.

1582 an/kub həcmli mühərriki olan avtomobil üçün 79.10 manat, digəri (1568 sm/kub) üçün isə 78.40 manat mühərrik həcminə görə dövlət rüsumu ödənilir.

Həmçinin hər avtomobil üçün yeni qeydiyyat şəhadətnaməsi 30 manat təşkil edir.

Avtomobillərdə texniki müayinə talonunun müddətinə varsa, mühərrik və ban nömrəsinə eyniləşdirmə üçün baxışına rüsum ödənilmir. Texniki müayinə vaxtıdırsa, texniki baxış zamanı 30 manat dövlət rüsumu ödənilir.

Onu da qeyd edək ki, fiziki şəxslər arasında alqı-satqı olduğu zaman, pul vəsaitinin nağdsız hesablaşma (bank) yolu ilə ödənişin olunma tələbi əsassızdır və Azərbaycan Respublikasının Nağdsız həsablaşma haqqında Qanununa əsasən bu yalnız kommersiya müəssisələri, hüquqi şəxslərə aiddir.

Habelə, alqı-satqı müqaviləsi notariat kontorunda yaxın qohumlar arasında bağlanmayıbsa, 70+10.50 manat, yaxın qohumlar (ata, ana, qardaş, bacı, nənə, baba) arasında isə 35+5.25 manat rüsum və xidmət haqqı ödənişi olunur.

12:50 - 13.03.2024
Sabir

Ford servisdə motorun bloku dəyişdirilib, servis sənəd verib. Texpasportda motorun kodun dəyişmək üçün müraciət etmişəm deyirlər avtomobil duracağa getməlidi və 10 gün ərxində ekspert duracaqda gəlib baxıb rəy verməlidi. Ümumiyyətlə bu prosedur tam olararaq necə olmalıdır?

SUAL-CAVAB
18:09 - 12.03.2024
Admin
AvtoStop admin

Ərazi üzrə DYP İdarəsində və ya BDYPİ-də rayon üzrə inspektora yaxınlaşaraq, ərizə yazmalı və daha sonra həmin dəyişiklikləri etməli və arayışı idarəyə təqdim etməli idiniz.

Əlinizdə, mühərrikin dəyişdirilməsi və mühərrik nömrəsində dəyişiklik olması barəsində məlumat arayışı varsa, bu dərhal DYP İdarəsinə təqdim edilməli və texniki baxış keçirildikdən sonra şəhadətnamə məlumatlarında yeni mühərrikin nömrəsi etdi olunaraq, yeni qeydiyyat şəhadətnaməsi verilməlidir.

Yeni qeydiyyat şəhadətnaməsinin rüsumu 30 manat, texniki müayinə rüsumu da 30 manat təşkil edir.

Təkrar qeydiyyatdan keçmək üçün 10 gün gözləməyə lüzum yoxdur. Belə bir tələb də oluna bilməz. Əgər avtomobilin texniki göstəricilərində fərq adı ilə istismar edilməsinə qadağa qoyurlursa və arayış alınan müddətdən 15 gün keçibsə, avtomobili istismar etmədən evakuatorla DYP İdarəsinə apara bilərsiniz.

18:40 - 12.03.2024
Səhifə: ...