AvtoStop

AvtoStop, AvtostopAZ, AVTOSTOP.AZ, AvtoStop sual-cavab, Sual-Cavab, Suallar, Cavablar, Prava almaq, DYP, YPX, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, Gomruk kalkulyatoru, Avtomobilin gomruk rusumu, masinin gomruk rusumu, gomruk rusumunu yoxlamaq, gomruk rusumu yoxla, avto gomruk kalkulyatoru, rastamoska rusumu, raztamoska rusumu, gomruk rastamowka rusum, Gömrük rüsumu kalkulyatoru, Avtomobilin gömrük rüsumu yoxlanışı, Cerime yoxlanisi, DYP cerime odenisi, onlayn cerime odenisi, BNA cerime odenisi, DYP Cərimə ödənişi, Cerimeni oyren, Cerimeni oyrenmek, Cerime yoxlamaq, DYP cerime, BNA cerime, dyp cerime yoxla, MMX cerime, radar cerime, Cərimə yoxlanışı, DYP muraciet, Dovlet Yol Polisine muraciet, DYP sikayet, DYP-ne wikyet, qai wikayet, qai sikayet, yol polisine sikayet, cerime sikayeti, mmx sikayeti, cerimeden sikayet dyp, ypx sikayet, YPX muraciet, YPX müraciət, YPX Şikayət, DYP Müraciət, Icbari sigorta, avtosigorta, avtomobil icbari sigortasi, masin sigortasi, sigorta almaq, icbari avto sigorta, icbari sigorta, Icbari sığorta, Avto İcbari Sığorta, Maşın, Nəqliyyat vasitəsi, Imtahana hazirliq, Suruculuk imtahanina hazirliq, DYP imtahanina hazirliq, Onlayn derslik, Sürücülük imtahanına hazırlıq, DYP imtahanına hazırlıq, Onlayn dərslik, Suruculuk vesiqesi, Sürücülük vəsiqəsi, DYP imtahanında verilen suallarç İmtahanda verilən suallar - cavablar

SUALLARA CAVAB ÖDƏNİŞLİDİR !
5 AZN / ONLAYN və TERMİNALLA
RSS
.
captcha

Tapdıq

Salam. Yol polisi hərəkəti dayandırarkən sənədləri istəyir. Bildiyim qədər sənədlərin üstümdə olması vacib deyil. Xahiş edirəm sənədlərin üstümdə olub və ya olmamasını hansı maddə ilə tənzimləndiyini başa salardınız.

SUAL-CAVAB
16:30 - 15.07.2024
Admin
AvtoStop admin

Yol-patrul xidməti haqqında Təlimat,
Maddə 7.7. Ekipajda iki YPX inspektorundan biri patrul avtomobilindən düşərək dayandırılmış nəqliyyat vasitəsinin sürücüsünə yaxınlaşır, özünü sürücüyə təqdim edir və bundan sonra dayandırılmanın səbəbini bildirməklə ondan “Yol hərəkəti haqqında” Azərbaycan Respublikası Qanununun 37-ci maddəsinin I hissəsinin 1-ci bəndində nəzərdə tutulmuş sənədlərin təqdim olunmasını tələb edir.

Yol hərəkəti haqqında Qanun,
Maddə 37. Mexaniki nəqliyyat vasitəsi sürücüsünün vəzifələri
I. Mexaniki nəqliyyat vasitəsinin sürücüsü:
1) sürücülük vəsiqəsini (fərdi nəqliyyat vasitəsinin sahibi olmadıqda, sürücünün icarə və ya digər əşya hüquqlarına dair müqaviləsini, nəqliyyat vasitəsini idarə etmək hüququna dair müəyyən edilmiş qaydada təsdiqlənmiş etibarnaməsini və ya nəqliyyat vasitəsinə ümumi mülkiyyət hüququna dair şəhadətnaməsini), sürücülük vəsiqəsi müəyyən edilmiş qaydada Azərbaycan Respublikasının müvafiq icra hakimiyyəti orqanı tərəfindən alınmış olduqda isə onu əvəz edən xüsusi arayışı, nəqliyyat vasitəsinin qeydiyyat şəhadətnaməsini, bu Qanunun 6-1-ci maddəsinin I hissəsində nəzərdə tutulmuş daşımaları həyata keçirən nəqliyyat vasitələrinə münasibətdə taxoqrafın yoxlanması haqqında şəhadətnaməni (taxoqrafın yoxlanmasına dair möhür vurulmadığı halda), nəqliyyat vasitələrindən kommersiya məqsədləri üçün istifadə edildikdə xüsusi razılıq və ya yol (marşrut) vərəqəsini və daşınan yüklərə dair sənədləri özündə saxlamalıdır;

Lakin..

"Elektron hökumətin inkişafı və rəqəmsal hökumətə keçid ilə bağlı tədbirlər haqqında AZƏRBAYCAN RESPUBLİKASI PREZİDENTİNİN FƏRMANI"na əsasən, bütün dövlət məlumat bazalarının elektronlaşdırılmasından sonra sənədlərin əyani şəkildə təqdim və tələb olunmasına lüzum yoxdur.
Etibarnamələrə də Ədliyyə və Daxili İşlər Nazirliklərinin mərkəzləşdirilmiş sistem bazasından baxış keçirmək olur.

17:28 - 15.07.2024
Ferrux

Salam menim mawinimi 300 nomreli yol polisinin gosteriwi ile saxlanilib. Mende Mitsubishi Lancer 10 du. Mawinda spoyler,nomre buferin sol terefinde cercivededi, daminda akulalar, ve difuzzer qoyulub ve servisden daniwilib servis cavab olareq deyib ki spoyler zavod gelir difuzzer avadanliq sayilmir nomre ise solda yox ortada olmalidir Lancer Evo modellerinde nomre zavod solda gelir. 300 gosteriwi ile durqcaga temin olunmuwam ve 150 man cerime gelib ne yerinde protokol yazilib hecne olunmayib gosteriw esasinda meni saxlayan polis emekdawi deyirki sene men ne protokol yazim sende mawinda problem yoxdu sadece komandir gosteriw verib ona gore saxlamiwiq. Cerimede saxlanilma sebebi ise 342.2.2 ile neqliyyat vasitelerinin suruculeri terefinnen normativ telebler pozulmaqla avadanligin deyiwdirilmesi cerimesi yazilib. Getmiwem Badamdart bas yol polis idaresine orda mene deyilir ki spoyler daminda loru dilde desek akulalar elave avadanliq sayilir. Mende onlara bawa sala bilmemiwem ki bu spoyler avadanliq sayilmir deyir yox zavod spoyler ile bu mawinlari buraxmir spoyler ile mawin gelirse texpasportda sport yazilmalidir. Getmiwem aradan qaldirmiwam sokmuwem hamisini cerimede yazilib ama mawini buraxiliw talonunu vermek istemirler. Polis mayoru Arzuman Arzumanli mene deyir ki protokol ile razilaw get cixart mawini deyirem razi deilem deyir onda gozle reis yoxdu bir sozle surundururler adami.
Xaiw edirem mene komek edin ne neyniyeceyimi etrafli mene izah edin

SUAL-CAVAB
11:51 - 14.07.2024
Admin
AvtoStop admin

Avtomobildə qeydiyyat nişanının bamperin sol yaxud sağ tərəfindən bərkidilməsi kimi standart mövcud deyil. İstənilən halda zavod istehsalı standart sayılır və heç kəs zavod istehsalı formasına görə irad bildirə bilməz. Habelə, nəqliyyat vasitənizi protokol tərtib etmədən, aktlaşdırılmadan müvəqqəti saxlama duracağına yerləşdirilməsi də qanunsuz haldır.
Bildirdiyiniz əlavə edilmiş xırda detallar isə aksessuar sayılır və konstruksiya dəyişikliyinə heç bir aidiyyatı yoxdur.
DYP-dən göstəriş verən, protokol tərtib edən və bu işdə iştirak edən bütün şəxslər qanunsuz hərəkərlər ediblər.
Mütləq vaxt itirmədən Baş Prokurorluğa (961 qaynar xəttinə, rüşvət də tələb olunubsa 161 çağrı mərkəzinə zəng vurmaqla) müraciət edin və dövlət orqanının və əməkdaşlarının qeyri-qanuni tələblərlə süründürməçiliyə yol verməsini şikayət edin. Şikayət prokurorluğun rəsmi saytından elektron qaydada da göndərə bilərsiniz. (genprosecutor.gov.az/az/page/elaqe/muracietler/mur aciet-unvanlamaq)

DİN-nin əməkdaşlarından nazirə şikayət etmək üçün rəsmi səhifədən şikayətinizi göndərə bilərsiniz. (e-muraciet.mia.gov.az)

Tərtib olunan əsassız inzibati xəta protokolunun qərarından (həmin ərazi üzrə) rayon məhkəməsinə şikayət ərizəsi yazmaqla protokolun ləğv olunması mümkündür.

12:17 - 14.07.2024
Eldar

Salam, adim Eldardir, Sabirabad rayonu Kürkəndi kəndində yasayiram. 09.07.2024 tarixində mən masinimla işdən qayidarkən (KİA SPORTAGE 2013 model), öz evimə dönandə arxadan mənim maşinimi gəlib yüksək sürətlə NÖMRƏSİZ XƏZƏR-AZSAMAND vurdu, maşinin SIĞORTASİ DA YOXDU SÜRÜCÜDƏ QAZİDİR. Təxminən mənim maşinima 5-6 min manat miqdarinda ziyan vurub, maşinin arxasi deformasiyaya ugrayib, polis hələ rəy cixartmayib ama dedi ki, onun sigortasi yoxdu biz ona hecnə edə bilmərik get ver məhkəməyə!!!
Bu qazi il uzunu nömrəsiz masin sürür hec kim buna bir soz deməyir.
Mənə bir yol deyin, mən o qaziyə mənim maşinimi düzəltdirməyə köməy eləsin.

SUAL-CAVAB
21:08 - 10.07.2024
Admin
AvtoStop admin

Polis əməkdaşı işlə bağlı məsələyə 10 gün, əlavə araşdırmaya ehtiyac olarsa 30 günədək müddət uzadıla bilər.
Əgər uzun müddət keçibsə və heç bir tədbir görülmürsə, dövlət orqanının hərəkətsizliyindən Baş Prokurorluğa (961 qaynar xəttinə) şikayət edə bilərsiniz.
Habelə, zərər vuran və qəzanın səbəbkarı şəxs, sürət həddini aşma, manevr qaydalarını pozma, bir sözlə avtoxuliqanlıq edibsə, ondan Daxili İşlər Nazirliyinin 102 çağrı mərkəzinə şikayət edə bilərsiniz.
Qarşı tərəfin deyən ziyanı ödəməsi isə yalnız məhkəmə qərarı ilə həll oluna bilər.
Sizin avtomobili sığortaladığınız sığorta şirkətinə müraciət etməli, DYP zərərçəkən tərəf olaraq mərkəzləşdirilmiş sistemə forma 4-ü yüklədikdən sonra sığorta şirkəti qiymətləndirmə aparmalı və sizə kompensasiya ödəməlidir. Həmin kompensasiya isə artıq qarşı tərəfin sığorta şirkətindən alınır, qəza səbəbkarının icbari sığortası yoxdursa, sizin sığorta şirkəti şəxsi məhkəməyə verməklə ödənişi tələb edə bilər. İstənilən halda məsələ məhkəmə yolu ilə həll olunur.
Sizin nəqliyyat vasitəsinizin sığortalandığı sığorta şirkəti ödənişdən boyun qaçırdığı təqdirdə, İcbari Sığorta Bürosuna (012 5950020) və ya birbaşa Mərkəzi Banka (012 966) şikayət edə bilərsiniz.

21:37 - 10.07.2024
Seymur

Salam. Mənə Bakı şəhər yol polisindən zəng edilib, fiıan yerdə qaydanı pozmusan və filan otağa yaxınlaş deyildi? Bu düzdürmü? Getməliyəmmi?
Getmədim və iki, üç gün sonra asanpay vasitəsilə adıma 80 manat cəriməlik protokol gəldiyini öyrəndim. Lakin sübut olaraq heç bir şəkil və ya video yoxdur? Bu halda bu protokol qüvvədədirmi? Ətraflı məlumat verin zəhmət olmasa.
Öncədən təşəkkür edirəm.

SUAL-CAVAB
01:32 - 10.07.2024
Admin
AvtoStop admin

Cərimənin qərarlı olub-olmamasına AsanPay və ya E-Polis kabinetinizdə baxa bilərsiniz.

Dövlət orqanı vətəndaşı şifahi və qeyri-rəsmi şəkildə idarəyə dəvət edə, gəlməsini tələb edə bilməz.
Dəvət rəsmi məktubla olmalı, məktubda çağırılma səbəbi, tarixi və dəvət edən məsul şəxsin adı, imzası olmalıdır.
Bu məsələlər Vətəndaşların Qəbulu haqqında Azərbaycan Respublikasının Qanunu ilə tənzimlənir.

İnzibati Xətalar Məcəlləsinin 122.1-ci maddəsində qeyd olunan maddələrlə əgər sizə təhlükəsizlik müşahidə kamerası vasitəsi ilə cərimə tətbiq olunubsa, bu düzgün deyil və qeyri-qanunidir.

Protokolun sonradan tərtib edilməsi yalnız hər hansı fiziki və ya hüquqi şəxsin (idarə və təşkilatın) şikayət ərizəsi əsasında, TŞ kameralarına baxış keçirməklə baş tuta bilər. Şikayətçi olmadığı təqdirdə və bununla yanaşı sübut olmadığı təqdirdə protokol tərtib oluna bilməz. Protokol tərtib olunarsa, protokolun qərarından məhkəməyə şikayət etmə hüququnuz var.
Məhkəmə olduğu təqdirdə, şikayətçi tərəfin də dəvət olunmasını vəsatət qaldırın.


A.R. İNZİBATİ XƏTALAR MƏCƏLLƏSİ

Maddə 122.1. Bu Məcəllənin 327.1 - 327.5, 328, 329.1, 329.2, 330, 339.1-1, 346.3, 346-1.1, 346-1.5, 353.2 və 469.3-cü maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının mərkəzi informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir.

Maddə 122.5. Foto və ya video qeydiyyat funksiyalarına malik xüsusi texniki vasitələrin köməyi ilə aşkar edilmiş inzibati xətalara görə nəqliyyat vasitəsini dayandıraraq, törədilmiş belə xətalar haqqında inzibati xəta haqqında protokol tərtib etmək və ya inzibati tənbeh tətbiq etmə haqqında qərar çıxarmaq qadağandır. Bütün foto və ya video qeydiyyat funksiyalarına malik xüsusi texniki vasitələr müvafiq icra hakimiyyəti orqanının mərkəzi informasiya sisteminə inteqrasiya olunaraq, həmin texniki vasitələrin köməyi ilə aşkar edilmiş inzibati xətalar haqqında yalnız bu Məcəllənin 122.1-ci maddəsində nəzərdə tutulmuş qaydada elektron qərar çıxarılır.

Maddə 101. İnzibati xəta haqqında protokolun tərtib edilməsi müddətləri
101.1. İnzibati xətanın törədilməsi faktı aşkar edildikdən dərhal sonra inzibati xəta haqqında protokol tərtib edilir.
101.2. İşin hallarının, eləcə də barəsində inzibati xəta haqqında iş üzrə icraat aparılan fiziki şəxsin şəxsiyyətinin və ya hüquqi şəxs barəsində məlumatların əlavə aydınlaşdırılması tələb olunduğu hallarda, inzibati xəta haqqında protokol inzibati xətanın aşkar edildiyi vaxtdan iki gün müddətində tərtib edilir.
101.3. İnzibati araşdırma aparıldığı hallarda, inzibati xəta haqqında protokol bu Məcəllənin 102.5-ci maddəsində göstərilən müddətdə tərtib edilir.

Maddə 327.7 Bu Məcəllənin 327.2 - 327.6, 327.8, 328.2, 328.3, 328.4, 331, 333.1, 333-1.1 342.7, 343.1 343-1.1 və 346.3-cü maddələrində müəyyən edilmiş balla qiymətləndirilən xətaları törətməklə sürücülər tərəfindən bir il ərzində 20 və daha çox bal toplanmasına görə - nəqliyyat vasitəsini idarə etmək hüququ altı ay müddətinə məhdudlaşdırılır.


Dəvət olunaraq, rüşvət istənildiyi və ya digər qanunsuz hərəkətlərə yaxud hərəkətsizliyə yol verildiyi halda Baş Prokurorluğa (961 və ya 161 qaynar xəttinə) şikayət ünvanlaya bilərsiniz.

İstənilən halda protokoldan BDYPİ və məhkəməyə şikayət edə bilərsiniz.

01:52 - 10.07.2024
Amil

Salam. Son etibarnamə mənim adıma olduğu üçün külli miqdarda cərimə gəlib. Həmin sürücü ödəməkdən imtina edir. Cərimələrə görə
Məhkəmə sürücülük vəsiqəmə məhdudiyyət qoyub. Zəhmət olmasa, bu haqda məlumat verə bilərsiz ?

SUAL-CAVAB
16:10 - 06.07.2024
Admin
AvtoStop admin

Bu cərimələrin aidiyyəti şəxsə yönləndirilməsi üçün vaxtında BDYPİ-nə elektron müraciət etməniz yetərli olacaqdı.
Saytın "DYP-MURACİƏT" bölməsindən yaxud BDYPİ-nin rəsmi saytından idarə rəisinin (Ramiz Zeynalovun) adına elektron müraciət göndərin və məzmunda inzibati xətanı siz deyil, digər şəxs törətdiyini bildirin, sonuncu etibarnamə sizə verildiyinə görə sizin sürücülük vəsiqəsinə cərimələr tətbiq olunub və buna görə də bu cərimələrin ləğv edilməsini, yaxud inzibati xətanı törədən şəxsə yönləndirilməsinin təmin edilməsini xahiş edin. Müraciətə 15 iş günü ərzində baxılmalıdır, əlavə araşdırmaya ehtiyac olarsa, 30 gün ərzində araşdırma uzadıla bilər.

Sürücülük hüququnun məhdudlaşdırılması artıq məhkəmə tərəfindən qərar verilibsə, bu qərardan şikayət vermək lazımdır. Bunun üçün qərar verən məhkəməyə və ya həmin hakimin adına, yaxud həmin məhkəmənin sədrinin adına ərizə yazmalı, inzibati xətanı törədən şəxsin siz olmadığını bildirmək və aidiyyəti qurumda (DYP-də) bu barədə araşdırma aparıldığını məlumat vermək lazımdır. Habelə, ərizədə bu qərarın sizin sürücülük vəsiqəsinə deyil, digər şəxsin sürücülük vəsiqəsinə tətbiq olunmasını bildirməli, tələb etməli, işin araşdırmaya qaytarılması barədə qərar verilməsini xahiş etməlisiniz.
Həmin rayon məhkəməsindən mənfi cavab gələrsə, həmin qərardan apellyasiya şikayəti vermək lazımdır.

16:27 - 06.07.2024
Abdulla Lekayev

Salaməleykum. Sizdən soruşmaq istədiyim odur ki, dünən 05.07.2024 cü il tarixində Şamaxı şəhərində Seyid Əzim Şirvani küçəsində idarə etdiyim nəqliyyat vasitəsilə geriyə dönmə manevrini qaydalarda nəzərdə tutulmuş qaydada yerinə yetirmişəm. Buna rəğmən dünən axşam saatlarında İnzibati Xətalar Məcəlləsinin 327.2 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və geriyə dönmə qaydalarının pozulması maddəsinə uyğun sürücülük vəsiqəmə 80 manat və 3 bal yazılıb. Bakı Nəqliyyat Agentliyinin SMS Radar proqramıyla göndərilən şəkillərdə mən tərəfindən qaydalara uyğun olaraq manevr elədiyimi açıq şəkildə görmək olar. Və nəhayət bu barədə mən qərəzliyimi kimə və necə bildirməliyəm? Sağ olun!

SUAL-CAVAB
10:10 - 06.07.2024
Admin
AvtoStop admin

İlk növbədə sizi cərimə edən quruma protokolun nömrəsi qeyd olunmaqla şikayət müraciəti göndərmək lazımdır.
Saytın "DYP-MURACİƏT" bölməsindən yaxud BDYPİ-nin rəsmi saytından və ya "e-muraciet.mia.gov.az" səhifəsindən BDYPİ-nin rəisi adına elektron müraciət etmək kifayətdir. 15 iş günü ərzində sizə cavab verilməlidir.
Habelə, protokolun qərarından ərazi üzrə rayon məhkəməsinə şikayət edə bilərsiniz.

11:55 - 06.07.2024
Aydın

Salam, 2016 Range Rover Sport mühərrik həcmi 2995cm3. Gömrükləmədən sonra tranzit nömrələr alınıb. Təmir edilib. Bəyannamə üzərində DYP qeyd eləyib qara şüşələr. Əgər qara şüşə ilə maşını qeydiyyata almaq qanuni deyilsə buna görə şüşələri ağ rəngə dəyişməliyəm. Əsas sual mən TİTLE sənədiən başqa nə sənədi tərcümə etməliyəm və notarial təsdiq almalıyam (məsələn İnvoysa gərək varmı). Mən bunun qanuni yolla qeydiyyata alma process (DYPda ilkin hara yaxınlaşmalı və sonra hara ödəniş etməli və s) və rüsümlarını bilmək istərdim.

SUAL-CAVAB
16:49 - 05.07.2024
Admin
AvtoStop admin

Avtomobilin ön yan şüşələri 70 faiz şəffaf (30 faizədək tündləşmiş), ön şüşə isə 75 faiz şəffaf (25 faizədək tündləşmiş) olmalıdır. Arxa və arxa yan şüşələrin tündlüyü tənzimlənmir və tələb oluna bilməz. Bu AZS122-2004 dövlət standartı ilə tənzimlənir və qanun bu standarta əsasən tətbiq olunur. Qeyd olunan tələblərdən kənar şüşə tündləşməsi yoxdursa, dəyişdirilməsinə ehtiyac yoxdur.

Title və invoys adlanan, qeydiyyat şəhadətnaməsi və alqı-satqı qaiməsi xarici dildə olduğuna görə notarial qaydada tərcümə olunmalı və təsdiqlənməlidir. Daha sonra DYP İdarəsinin Qeydiyyat şöbəsinə (Qaradağ rayonunda yerləşən Meyvəli deyilən yerə) yaxınlaşmalısınız.
Qaimə mütləqdir.

Qeydiyyat şəhadətnaməsi - 30 manat,
Dövlət qeydiyyat nişanı - 30 manat,
Mühərrik həcminə görə - 199.50 manat,
Texniki müayinəyə görə isə dövlət rüsumu - 30 manat təşkil edəcək.

Ödənişlər idarədə yerləşən bank kassasına yaxud ödəniş aparatları vasitəsilə ödənilir.

18:59 - 05.07.2024
Ağazadə Bəhmən

Salam. Mida Yasamaldan Bakı şəh. Baş DYP idarəsinə gedən yolda, dairəvi yoldan sonra tunel var, tunelin çıxışında yol sola dönür (bir zolağlı, bir istiqamətli yoldur). Tuneldən çıxarkın dönmə işığı yandırılmalıdır Qanunda yazılıb ki, dönmə zamanı yandırılmalıdır (heç bir şərt olmadan), DYP əməkdaşları fərqli cavablar verir. Zəhmət olmasa bu suala qanuni əsaslandırılmış cavab təqdim edərdiniz.

SUAL-CAVAB
15:41 - 04.07.2024
Admin
AvtoStop admin

Həmin yolötürücüsünün altına çatmamış yol haçalandığı üçün sağa dönərkən sağa dönmə işıqları yandırılmalıdır, yol ötürücüsünü çıxdıqdan sonra sola hərəkətə davam edərkən dönmə işıqlarını yandırmağa lüzum yoxdur.
Dönmə işıqları zolağı dəyişdikdə, yol kəsişməsində istiqaməti bildirmək üçün verilən xəbərdarlıq siqnalıdır.

Yol Hərəkəti haqqında Qanun,
Maddə 42. Hərəkətə başlama, manevr etmə
I. Sürücü hərəkətə başlamazdan, yerdəyişməzdən, dönməzdən, ötməzdən və dayanmazdan qabaq müvafiq istiqamətə dönmək üçün xarici işıq siqnallarının köməyi ilə, bunlar olmadıqda və ya nasazlıq yarandıqda isə əl işarələri ilə siqnal verməlidir. Bu zaman manevr təhlükəsiz olmalı və hərəkətin digər iştirakçıları üçün maneə yaratmamalıdır.

16:31 - 04.07.2024
Tural

Salam!
Hal-hazırda idarə etdiyim avtomobilin qeydiyyat nişanını dəyişdirmək istəyirəm.
Variant 1 - xüsusi rüsumlu olan məsələn 100, 200, 111, 555 və s. (müxtəlif seriya)
Variant 2 - sadə rüsumlu olan məsələn 101, 707 və s. (eyni seriya)
Bu müraciəti dövlət rüsumu ilə etmək mümkündür?

SUAL-CAVAB
10:46 - 04.07.2024
Admin
AvtoStop admin

101, 707 nömrəli, qoşa hərf seriyalı qeydiyyat nişanları sadə qeydiyyat nişanları sayılır və dövlət rüsumu 30 (otuz) manat təşkil edir.
100, 200 seriyası müxtəlif hərflərdən olan qeydiyyat nişanlarının dövlət rüsumu 1500 (min beş yüz) manat, 111 və 555 nömrəli müxtəlif hərflər seriyasından ibarət olan qeydiyyat nişanlarının dövlət rüsumu isə 1000 (min) manat təşkil edir.

Sadə qeydiyyat nişanlarının seçilməsi rəsmi olaraq nəzərdə tutulmayıb.

Rüsumlar "Dövlət rüsumu haqqında Azərbaycan Respublikasının Qanunu" ilə tənzimlənir. (Maddə: 18.65.6.1 və 18.65.6.2))

Qeydiyyat nişanının dəyişdirilməsi təkrar qeydiyyat sayılır və qeydiyyat şəhadətnaməsi dəyişdirilir, qeydiyyat şəhadətnaməsinin dövlət rüsumu 30 (otuz) manat təşkil edir. (Maddə: 18.65.7.1)

11:48 - 04.07.2024
Nicat

Salam
Transit nomre verilib qaiden 10 gunlukluk dediler. Bes 10 gun bitdikden sonra avtomobili idare etmek olar transit nomre ile?
Avtomobilin mehkeme ishi gedir hele yekunlashmayib, ban nomresi kuzada olmadigina gore.
Teshekkur edirem

SUAL-CAVAB
15:58 - 30.06.2024
Admin
AvtoStop admin

Xeyr. Avtomobil 10 gün ərzində qeydiyyatdan keçirilməyibsə, idarə olunmamalıdır. Əks halda cərimə olunacaqsınız və avtomobil müvəqqəti saxlama duracağına yerləşdiriləcək.

18:59 - 30.06.2024
Səhifə: ...